تۇركيانىڭ الانيا قالاسىندا بولعان جول اپاتىنا ۇشىراعان اۆتوبۋستىڭ ىشىندە قازاقستان ازاماتتارى بولعانىن راستالدى، دەپ حابارلايدى “ادىرنا”.
قازاقستاننىڭ سىرتقى ىستەر مينيسترلىگىنىڭ رەسمي وكىلى ايبەك سمادياروۆ:
"بۇگىن تاڭەرتەڭ الانيا تاس جولىندا ميكرواۆتوبۋس پەن جۇك كولىگىنىڭ قاتىسۋىمەن جول-كولىك اپاتى ورىن الدى. وقيعا سالدارىنان زارداپ شەككەندەر بار. الدىن الا الىنعان مالىمەتكە سايكەس، اۆتوبۋستا قازاقستان ازاماتتارى بولعان", - دەپ حابارلادى.
رەسمي وكىلدىڭ سوزىنشە، بارلىق ءمان-جايدى انىقتاپ، جەرلەستەرىمىزدىڭ جاعدايىن ءبىلۋ ءۇشىن قر كونسۋلى اپات ورىن العان وڭىرگە شۇعىل تۇردە جولعا شىققان.
