ەلىمىزدىڭ بارلىق وڭىرىندە رەسپۋبليكالىق رەفەرەندۋم قارساڭىندا اۋقىمدى اقپاراتتىق ناۋقان جالعاسۋدا. قازىرگى ساتە قالالار مەن وبلىس ورتالىقتارىندا قاتىنايتىن اۆتوبۋستار جانە باسقا دا قوعامدىق كولىكتەر نەگىزگى ارنالاردىڭ بىرىنە اينالدى.
قوعامدىق كولىكتەردى تاقىرىپتىق ماتەريالدارمەن بەزەندىرۋ اقپاراتتى بارىنشا ۇلكەن اۋديتورياعا جەتكىزۋگە مۇمكىندىك بەرەدى: جولاۋشىلار كونستيتۋتسيالىق وزگەرىستەر مەن الداعى رەسپۋبليكالىق رەفەرەندۋم تۋرالى تۇسىندىرمەلەردى كۇن سايىن جول ۇستىندە كورە الادى.
ماتەريالدار اۆتوبۋستاردىڭ سىرتىنا دا، سالون ىشىنە دە – پلاكاتتار مەن تسيفرلىق ەكراندارعا ورنالاستىرىلادى. مۇنداي فورمات اۋديتوريامەن تۇراقتى بايلانىس ورناتىپ، ۆيزۋالدى قامتۋدى جوعارى دەڭگەيدە ۇيلەستىرەدى.
بۇگىنگى تاڭدا قازاقستان بويىنشا 730 قوعامدىق كولىك بەزەندىرىلدى.
وسىلايشا، قوعامدىق كولىك ازاماتتارمەن تىكەلەي بايلانىس جاساۋدىڭ ءتيىمدى قۇرالىنا اينالۋدا.
مۇنداي فورماتتىڭ ارقاسىندا قازاقستاندىقتار كۇندەلىكتى ومىردە جاڭا كونستيتۋتسيا جوباسىنىڭ نەگىزگى ەرەجەلەرى تۋرالى اقپارات الادى: جۇمىسقا، وقۋعا بارا جاتقاندا جانە جەكە جۇمىسىمەن جۇرگەندە، بۇل ءتۇسىندىرۋ جۇمىستارىن بارىنشا قولجەتىمدى ءارى كورنەكى ەتەدى.
