تۇركيا تاجىكستانمەن ۆيزاسىز رەجيمنىڭ كۇشىن جويدى، دەپ حابارلايدى "ادىرنا" ۇلتتىق پورتالى.
5 ءساۋىر كۇنى تۇركيا پرەزيدەنتى رەجەپ ەردوعان ەكى ەل اراسىنداعى جارلىققا قول قويدى.
مۇنداي شارا شەتەل جانە حالىقارالىق قورعاۋ تۋرالى زاڭ نەگىزىندە قابىلدانعان.
تاجىكستان بيلىگى رەسمي تۇردە اقپاراتقا تۇسىنىكتەمە بەرمەدى. الايدا ازاتتىقتىڭ تاجىك قىزمەتى:
"تۇركيا شىنىمەن ۆيزا ەنگىزەدى، الايدا ونىڭ شارتتارى، مەرزىمى مەن وزگە دە جاي-جاپسارى بەلگىسىز", - ەكەنىن جازدى.
تۇركيانىڭ تاجىكستانمەن ۆيزاسىز رەجيمدى الىپ تاستاۋىنىڭ سەبەبى ءالى بەلگىسىز. بىراق رەسەيلىك باق مۇنى كروكۋستاعى قىرعىنمەن بايلانىستىرۋدا.
ەسكە سالا كەتەيىك، 22 ناۋرىزدا بولعان قىرعىن اپاتتى ۇيىمداستىرۋشى رەتىندە تاجىكستاننىڭ ءتورت ازاماتى ۇستالعان بولاتىن.
