تۇركيالىق ASELSAN كومپانياسى ازىرلەگەن «Deringöz» العاشقى اۆتونومدى سۋاستى اپپاراتى پايدالانۋعا دايىن، دەپ حابارلايدى «ادىرنا» اnadolu اگەنتتىگىنە سىلتەمە جاساپ.
قورعانىس كومپانياسىنىڭ حابارلاۋىنشا، قۇرىلعى مودۋلدىك قۇرىلىمعا يە. ول الداعى ۋاقىتتا اسكەري جانە ازاماتتىق ماقساتتا قولدانىلماق.
«ASELSAN ونەرتابىسى — كەڭ اۋقىمدى تاپسىرمالاردى ورىنداۋعا دايىن يننوۆاتسيالىق تەحنيكالىق شەشىم. اتاپ ايتقاندا، ونى سۋ استىنداعى زەرتتەۋلەر، بارلاۋ جانە قاداعالاۋ، مينالاردى انىقتاۋ، قۇبىرلاردى تەكسەرۋ، پورت پەن بازانى قورعاۋ سياقتى تاپسىرمالار ءۇشىن ءتيىمدى پايدالانۋعا بولادى»،—دەلىنگەن حابارلامادا.
ايتا كەتەيىك، تۇرىك ينجەنەرلەرى جاساپ شىعارعان قۇرىلعى 600 مەتر تەرەڭدىكتە جۇمىس ىستەي الادى.
