اقتوبە وبلىسى العا قالاسىندا ەلەكتر ستانتسياسى ورتەندى. بۇل تۋرالى قر تجم-ءنىڭ Telegram ارناسىندا جاريالاندى، دەپ حابارلايدى “ادىرنا” ۇلتتىق پورتالى.
مالىمەت بويىنشا، بۇگىن ساعات 09: 39-دا العا اۋدانىنىڭ №6 ءورت ءسوندىرۋ ءبولىمىنىڭ «101» پۋلتىنە ايىمبەتوۆ كوشەسىندەگى العا ەلەكتر ستانتسياسىنىڭ اشىق جالىنمەن جانۋى تۋرالى اقپارات كەلىپ تۇسكەن. شاقىرۋ ورنىنا 18 قۇتقارۋشى جانە 4 بىرلىك تەحنيكا جىبەرىلدى. زارداپ شەككەندەر جوق.
“وقيعا ورنىنا قۇتقارۋشىلار كەلگەننەن كەيىن عيماراتتىڭ كىرەبەرىس قاقپاسىنىڭ ەسىگىن بۇزىپ اشۋ جۇزەگە اسىرىلدى. ورتتى ءسوندىرۋ بارلىق قاۋىپسىزدىك ەرەجەلەرىن ساقتاي وتىرىپ، كوبىكپەن جۇزەگە اسىرىلدى. ءورتتى ءسوندىرۋ بارىسىندا قۇتقارۋشىلار ءورتتىڭ كورشىلەس قوسالقى ستانتسيا سەكتسيالارىنا تارالۋ قاۋپى جويىلدى. الدى الا دەرەكتەر بويىنشا ءورت الاڭى 50 شارشى مەتر. ورت 10 ساعات 29 مينۋتتا وقشاۋلانىپ، 10 ساعات 40 مينۋتتا ءسوندىرىلدى”، دەلىنگەن حابارلامادا.
ءورتتىڭ شىعۋ سەبەبى انىقتالۋدا. اقتوبە وبلىسى تجد ءورت قاۋىپسىزدىك ەرەجەلەرىن قاتاڭ ساقتاۋدى سۇرايدى.
