Almaty ákimi Erbolat Dosaev onyń otstavkaǵa ketýin talap etken petıııa týraly suraqqa oıyn bildirdi, - dep habarlaıdy "Adyrna" ulttyq portaly.
Alataý aýdanynyń turǵyndarymen kezdesýde boıjetken megapolıs basshysynan qyzmetinen ketý týraly ótinishke qalaı qaraıtynyn surady.
Erbolat Dosaev Almatyda 2,2 mıllıonnan astam adam turady dep jymıyp jaýap berdi. Al petıııaǵa qol qoıǵan 57 myń adamnyń arasynda jalǵan adamdar bolýy múmkin, óıtkeni saıtta ákimniń aıtýynsha, daýys bergenderdiń aty-jóni men JSN jazylmaǵan.
«Múmkin, bul jerde bot-fermaldar jaqsy jumys istep jatqan shyǵar. Óıtkeni men bul petıııaǵa qarap, JSN men famılııasyn kórsetpegenderdiń bar ekenin kórdim. Osy jerde kóterilgen máselelerge kelsek, olardyń oryndalýyn qadaǵalaımyn. Biz tek ýáde berip qana qoımaı, úlken jumys jasaımyz. Búgin adamdar ártúrli máselelermen keldi: keıbireýleriniń sheshilmegen suraqtary bar, keıbireýleriniń máseleleri ýaqytynda aıaqtalmaǵan. Biraq men qalany kúndelikti jańa nárse bolatyn tiri mehanızm ekenin atap ótkim keledi. Ákim retinde sizdiń pikirińiz men úshin mańyzdy, biraq meniń jumysyma Memleket basshysy baǵa beretin shyǵar», - dedi Almaty ákimi.
