بۇگىن الماتى قالاسى الاتاۋ اۋدانىندا جاستار رەسۋرستىق ورتالىعىنىڭ اشىلۋ سالتاناتى ءوتتى. ورتالىق ينفراقۇرىلىمدى دامىتۋ، ءبىلىم بەرۋ، جۇمىسپەن قامتۋ دەنساۋلىق ساقتاۋ، قولجەتىمدى باسپانا، بيزنەستى دامىتۋ جانە قارجىلىق ساۋاتتىلىق، تالانتتى جاستاردى قولداۋ جانە تاعى باسقا ماڭىزدى سالالار بويىنشا قىزمەت اتقارادى.
الماتى قالاسى الاتاۋ اۋدانىنىڭ اكىمى قالدىبەكوۆ ازامات بەسكەمپىرۇلى ورتالىقتىڭ اشىلۋىمەن قۇتتىقتاپ، جاستاردى بىلىمگە، ونەگەتتىلىككە، وتانسۇيگىشتىككە شاقىردى.
" جاستار رەسۋرستار ورتالىعى كوپتەگەن باعىتتار بويىنشا جۇمىس اتقارۋدا. ونىڭ ەڭ باستىسى زاماناۋي تالاپقا ساي Co-working ورتالىعىنىڭ اشىلۋى. جاستار بۇل جەرگە كەلىپ ءبىر-بىرىمەن وسى زامانعا ساي تەحنولوگيالىق ويلارىمەن ءبولىسىپ، بىرگە ءبىر-بىرىمەن پىكىر الماسىپ، دامۋعا ۇلكەن ىقپال تيگىزەدى دەپ سەنەمىن. ق.توقاەۆ ءوز سوزىندە «جاستار تەك قانا بىلىممەن قارۋلانىپ ەڭبەككە ارقا سۇيەۋ كەرەك» دەگەن بولاتىن. وسى Co-working ورتالىعى جاستاردىڭ ءبىلىم الۋىنا ىقپالىن تيگىزەدى دەپ سەنەمىن", - دەدى اكىم.
جاستار رەسۋرستىق ورتالىعى قىزمەتىنىڭ نەگىزگى ماقساتى – جاستار مەن جاستار ۇيىمدارىن قولداۋ جانە دامىتۋ ءۇشىن قىزمەت كورسەتۋ. ورتالىق جاستارعا ارنالعان تومەندەگىدەي قىزمەت تۇرلەرىن اتقارادى:
- جاستارعا ارنالعان مەملەكەتتىك، سالالىق جانە قالالىق باعدارلامالار شەڭبەرىندە ۇسىنىلاتىن مۇمكىندىكتەر بويىنشا ءتۇسىندىرۋ، اقپاراتتىق جۇمىس;
- جۇمىسقا ورنالاستىرۋعا، كاسىپتىك باعدار بەرۋگە جاردەمدەسۋ بويىنشا، جاستار كاسىپكەرلىگىن، جاستاردىڭ شىعارماشىلىق باستامالارىن، الەۋمەتتىك جانە بيزنەس سالاسىنداعى جاستار جوبالارىن قولداۋ بويىنشا بەلسەندى جۇمىس جۇرگىزۋ;
- جاستارعا پسيحولوگيالىق كومەك كورسەتۋ;
- ناشاقورلىق، الكوگوليزم، تەمەكى شەگۋمەن كۇرەس بويىنشا الدىن الۋ جۇمىستارى;
- شەبەرلىك سىنىپتارى، موتيۆاتسيالىق كەزدەسۋلەر، پرەزەنتاتسيالىق تۇسىنىكتەمەلەر، جارمەڭكەلەر فورماتىندا جۇمىسقا ورنالاسۋعا جاردەمدەسۋ بويىنشا ءىس-شارالار وتكىزۋ;
- الەۋمەتتىك زەرتتەۋلەرگە قاتىسۋ;
- جەكەلەگەن جاستارعا جانە جاستار ۇيىمدارىنا قۇقىقتىق، ادىستەمەلىك كومەك كورسەتۋ (سەنىم تەلەفونى بار);
- قالا كاسىپورىندارىندا جاستار ءىسى جونىندەگى كەڭەستەر قۇرۋ (وزەكتى ماسەلەلەردى تالقىلاۋ، شەشۋ);
- جۇمىس ىستەيتىن جاستاردى اۋداننىڭ، قالانىڭ قوعامدىق ومىرىنە تارتۋ;
- جاستار اراسىنداعى احۋالدى، جاستار قوعامدىق بىرلەستىكتەرى مەن ستۋدەنتتىك ۇيىمداردىڭ، ەتنو-مادەني بىرلەستىكتەرى مەن ۇكىمەتتىك ەمەس جاستار ۇيىمدارىنىڭ قىزمەتىن مونيتورينگىلەۋ جانە تالداۋ;
- اۋدان جاستارى جايلى اقپاراتتىق تولقۇجات ازىرلەۋ.
«جاسىل ەل» جاستار ەڭبەك جاساعىنىڭ نۇسقاۋشىسى، م.تىنىشپاەۆ اتىنداعى قازاق كولىك جانە كوممۋنيكاتسيا اكادەمياسىنىڭ جاستار ءىسى جونىندەگى كوميتەتىىنىڭ توراعاسى نۇرپەيىسوۆ ءادىل تىنىشتىقبايۇلى:
-بۇگىن الاتاۋ اۋدانى جاستار رەسۋرستىق ورتالىعىنىڭ اشىلۋىنا كەلىپ وتىرىمىز. جاستار رەسۋرستىق ورتالىقتاردىڭ اشىلۋىن – ەڭ باستىسى جاستارعا كومەك كورسەتۋ دەپ تۇسىنەمىن . جاستاردىڭ قانداي دا ءبىر جوبالارىن ىسكى اسىرۋعا، ولاردىڭ قانداي دا ءبىر قيىنشىلىقتارىنا كومەك بەرەدى.
جاستار رەسۋرستىق ورتالىعىندا اشىق ەسىك كۇندەرى وتكىزىلەدى، وعان جۇمىسپەن قامتۋ ورتالىعى مەن تۇرعىن ءۇي قۇرىلىس جيناق بانكىنىڭ، سونداي-اق، ۇيىمداردىڭ ارنايى جىبەرىلگەن ماماندارى شاقىرىلادى. وسىنداي جاستار رەسۋرستىق ورتالىقتارى ءوز قىزمەتىن الماتى قالاسىنىڭ بارلىق 8 اۋدانىندا جۇزەگە اسىرادى.
شارا بارىسىندا الماتى قالاسى جاستار ساياساتىن دامىتۋ مەملەكەتتىك قورىنىڭ ديرەكتورى اۋعانباەۆا الما قۇرمانقىزىن اڭگىمەگە تارتتىق.
"ادىرنا": جاستار ورتالىعىن قۇرۋداعى نەگىزگى ماقسات؟
الما قۇرمانقىزى: الماتى قالاسى اكىمدىگىنىڭ تاپسىرماسى بويىنشا بارلىق اۋدانداردا جاستار رەسۋرستىق ورتالىعىن اشۋدى قولعا الىپ جاتىرمىز. جاستار رەسۋرستىق ورتالىعىنىڭ نەگىزگى ماقساتى – جاستارمەن جۇمىس جاساۋ، جاستارعا قولداۋ كورسەتۋ، جاستارعا پسيحولوگيالىق، قۇقىقتىق كەڭەستەر بەرۋ، سەمينار- ترەنينگتەر وقتىزۋ. جاستاردىڭ ۋاقىتتارىن ءتيىمدى پايدالانۋ. قازىر توتەنشە جاعدايعا بايلانىستى كوپ جاستارىمىز جۇممىسسىز قالىپ وتىر. سول جاستارعا جۇمىس تابۋعا جاردەمدەسۋ. جاستاردى جيناپ، ولاردىڭ قيىندىقتارىن سۇراقتارىن شەشىپ وتىراتىن، دۇرىس باعىت كورسەتەتىن ورتالىققا اينالادى.
"ادىرنا": ورتالىق جاستارعا قانداي ناقتى كومەك كورسەتە الادى؟
ا.قۇرمانقىزى: كەڭەس بەرۋ، پسيحولوگيالىق كونسۋلتاتسيالار جۇمىستارى جۇرگىزىلەدى. سايت جانە الەۋمەتتىك جەلى پاراقشاسى ارقىلى رەسپۋبليكا بويىنشا، الماتى قالاسى بويىنشا جاستارعا قاتىستى قانداي جوبالار بار، سول تۋرالى اقپاراتتار بەرىلەتىن بولادى. "الماتى جاستارى" دەگەن باعدارلاما بار. سول باعدارلاما بويىنشا جاستاردىڭ سۇراقتارىنا جاۋاپ بەرىلىپ، كومەك كورسەتىلەدى. ورتالىقتىڭ ىشىندە جۇمىسپەن قامتۋ ورتالىعى مەن تۇرعىن ءۇي قۇرلىس جيناق بانكىنىڭ قىزمەتكەرلەرى قىزمەت ەتەدى. جىل سايىن ۇيىمداستىرىپ جۇرگەن شارالارىمىز دا ءوتىپ تۇرادى. جاستاردى سپورتقا، شىعارماشىلىققا، قولونەرگە باۋلۋ سەكىلدى باعىتتار بويىنشا جاسايمىز. جاستاردىڭ بارلىق سۇرانىستارى بويىنشا قىزمەت ەتۋگە دايىنبىز.
"ادىرنا": الداعى جوسپارلارىڭىز تۋرالى ايتا كەتسەڭىز؟
ا.قۇرمانقىزى: الماتى – ەڭ ۇلكەن مەگاپوليس. جاستار سانى وتە كوپ. جاستار اراسىنداعى ماسەلەلەردى زەرتتەپ، ولاردى دۇرىس باعىتتا جۇرۋىنە قالامىزدىڭ 8 اۋدانىنىڭ بارلىعىندا وسىنداي ورتالىق اشامىز. بارلىعى رەت-رەتىمەن اشىلۋدا.
گۇلۆيرا اسقارقىزى،
"ادىرنا" ۇلتتىق پورتالى
