كاراتەدەن تاعى ءبىر جەرلەسىمىز ازيا چەمپيونى اتاندى. مالاككا قالاسىندا WKF كاراتەدەن ەرەسەكتەر اراسىنداعى XIX ازيا چەمپيوناتى وتۋدە. جارىستىڭ ەكىنشى كۇنىندە جەرلەستەرىمىز ءۇشىن ءساتتى ءوتتى. ءبىر التىن، ءبىر قولا مەدال ەنشىلەدى.
الپىسباي قايسار 60 كەلى سالماق دارەجەسىن باعىندىردى. يۋلداشەۆ دانيار 84 كەلى سالماقتا قولا جۇلدەنى قاناعات تۇتتى.
ايتا كەتەيىك، چەمپيوناتتىڭ العاشقى كۇنىندە كۋميتە باعدارلاماسىندا توكيو وليمپياداسىنىڭ قولا جۇلدەگەرى، ۇلتتىق قۇراما كوشباسشىسى سوفيا بەرۋلتسەۆا (+68 كگ) ءوز سالماعىندا قارسىلاس شاق كەلتىرمەي، چەمپيون اتانعان بولاتىن. سونداي-اق، بيىلعى باسەكەگە قۇرلىقتاعى 31 ەلدەن 400-گە جۋىق تاتامي شەبەرى جينالدى. بۇل قاتاردا 19 قازاقستاندىق بار.
