بالا قۇقىقتارى جونىندەگى ۋاكىل زورلانعان وقۋشىعا قاتىستى ءىس باقىلاۋىندا ەكەنىن ايتتى

1111
Adyrna.kz Telegram

ەلىمىزدىڭ بالا قۇقىقتارى جونىندەگى ۋاكىل 1-ءشى سىنىپ وقۋشىسىنىڭ زورلانۋىنا قاتىستى ءىس باقىلاۋىندا ەكەنىن جەتكىزدى، دەپ حابارلايدى "ادىرنا" ءتىلشىسى.

بيىل 12 ماۋسىمدا دينارا زاكيەۆا قر بالا قۇقىتارى جونىندەگى ۋاكىلى قىزمەتىنە تاعايىندالعان بولاتىن. بالالار ومبۋدسمەنى بالالار زورلىعىنا قاتىستى قاتاڭ شارالاردى جاريالاعان بولاتىن.

الايدا وقۋ جىلى باستالا سالىسىمەن الماتىداعى مەكتەپتەردىڭ بىرىندە 1 سىنىپ وقۋشىسىنىڭ زورلانعانى تۋرالى اقپارات تارادى. وسى ىسكە قاتىستى  رەسمي ۋاكىل Facebook پاراقشاسىندا ارنايى جازبا قالدىردى.

"الماتى مەكتەبىندەگى جاعدايعا قاتىستى. قازىرگى ۋاقىتتا تەرگەۋ ءجۇرىپ جاتىر
ست .قر قك 121.
سمە ناتيجەلەرى كۇتىلۋدە، بەينەجازبالارى زەرتتەلۋدە. مەكتەپپەن بايلانىستامىن. مەن پروكۋراتۋرامەن، تەرگەۋمەن جۇمىس ىستەۋدەمىن.
جابىرلەنۋشى بالانىڭ اناسىنا حابارلاسا المادىم. ءوزىمنىڭ بايلانىس ءنومىرىمدى جازدىم،  بايلانىستا ەكەنىمدى ايتتىم",- دەدى ول.

ەستەرىڭىزگە سالا كەتەيىك، بۇگىن باق بەتتەرىندە 1-ءشى سىنىپتا وقيتىن وقۋشىنىڭ زورلانعانى تۋرالى اقپارات تاراعان بولاتىن.

پىكىرلەر