رەسەي مەن ۋكراينا اراسىنداعى ءتورت جىلعا جۋىق سوعىس كەزىندەگى ادام شىعىنى ەكى ميلليونعا تاياپ قالدى. بۇل تۋرالى ۆاشينگتونداعى ستراتەگيالىق جانە حالىقارالىق زەرتتەۋلەر ورتالىعى (CSIS) ايتتى، دەپ حابارلايدى «ادىرنا» ءتىلشىسى.
ساراپشىلاردىڭ دەرەگىنشە، 1,8 ملن ادام قازا تاپقان، جارالانعان نەمەسە حابار-وشارسىز كەتكەن. رەسەي اسكەرىنىڭ شىعىنى 1,2 ملن بولسا، ۋكراينا 600 مىڭ ادامدى جوعالتقان.
ماماندار ەكى تاراپتىڭ جيىنتىق شىعىنى كوكتەمدە 2 ميلليوننان اسىپ كەتۋى مۇمكىن دەگەن بولجاپ ايتىپ وتىر.
«بۇل كورسەتكىشتەر اقىلعا سىيمايتىن دەڭگەيگە جەتتى. ەكىنشى دۇنيەجۇزىلىك سوعىستان كەيىن الەمنىڭ بىردە-ءبىر جەتەكشى ەلى مۇنداي شىعىنعا ۇشىراعان جوق»،-دەلىنگەن حابارلامادا.
زەرتتەۋدە اۋقىمدى شىعىندارعا قاراماستان، رەسەيدىڭ اۋماقتىق جەتىستىكتەرىنىڭ كوڭىل كونشىتپەيتىنى ايتىلعان. 2024 جىلدىڭ قاڭتارىنان بەرى رەسەيلىك اسكەر ۋكراينا اۋماعىنىڭ شامامەن 1,5%-ىن باسىپ العان. قازىرگى تاڭدا رەسەي ەل اۋماعىنىڭ 20%-ىن, ياعني 120 مىڭ شارشى شاقىرىمدى باقىلاۋدا ۇستاپ وتىر.
2024–2025 جىلدارى باقىلاۋ ايماعى نەبارى 8,4 مىڭ شارشى شاقىرىمعا ۇلعايعان. ساراپشىلار مۇنى ءبىرىنشى دۇنيەجۇزىلىك سوعىس كەزەڭىندەگى وتە باياۋ ىلگەرىلەۋ قارقىنىمەنسالىستىرادى. كەيبىر باعىتتاردا رەسەيلىك اسكەردىڭ جىلجۋ جىلدامدىعى تاۋلىگىنە 15–70 مەتردىقۇراعان.
CSIS قورعانىس جانە قاۋىپسىزدىك دەپارتامەنتىنىڭ باسشىسى سەت دجونس جوعارى شىعىندار مەن تومەن كورسەتكىشتەرى رەسەيدىڭ جالپى السىرەۋىمەن بايلانىستىرادى. سونداي-اق ول ءجىو ءوسىمىنىڭ باياۋلاۋى مەن سانكتسيالاردىڭ ىقپالىن نەگىزگى فاكتورلار رەتىندە اتاپ كورسەتكەن.
