باقىلاۋشىلاردىڭ حابارلاۋىنشا، 100-دەن استام كولىك بار. ۋكراينا بارلاۋىنىڭ مالىمەتىنشە، جالدامالىلار بەلارۋسكە قارۋسىز بارعان، دەپ حابارلايدى "ادىرنا".
سوڭعى كۇندەرى رەسەيدەن بەلارۋس اۋماعىنا ۆاگنەر پمك جالدامالىلارىنىڭ ءۇشىنشى توبى كىردى.
«بەلارۋس گايۋن» مونيتورينگتىك توبىنىڭ مالىمەتىنشە، رەسەي فەدەراتسياسى مەن «ۆاگنەر» پمك تۋلارى ىلىنگەن جۇزدەن استام كولىك كولونناسى موگيلەۆ وبلىسىنداعى دالالىق لاگەر باعىتىندا ءجۇرىپ كەلە جاتقان كورىنەدى. لاگەر بەس مىڭ ادامعا ارنالعان.
بۇعان دەيىن بەلارۋس قورعانىس مينيسترلىگى «ۆاگنەريتتەر» بەلارۋس اسكەري قىزمەتكەرلەرىن دايىنداپ جاتقانىن حابارلادى. دۇيسەنبى كۇنى بەلارۋس پرەزيدەنتى الەكساندر لۋكاشەنكو حالىقتىق ميليتسيا تۋرالى زاڭعا قول قويدى، سونداي-اق رەسەيمەن اسكەري قىزمەتكەرلەردىڭ جاۋىنگەرلىك دايارلىق ورتالىقتارىن قۇرۋ تۋرالى كەلىسىم دە بەكىتىلدى.
ۋكراينا بارلاۋىنىڭ مالىمەتىنشە، ۆاگنەريتتەر بەلارۋس اۋماعىنا قارۋسىز بارعان.
كراسنودار ولكەسىندەگى «ۆاگنەر» پمك نەگىزگى بازاسى جابىلدى. مۇنداي مالىمدەمەسى بار ۆيدەونى جالدامالىلار جاريالادى.
كومپانيانىڭ نەگىزىن قالاۋشى ەۆگەني پريگوجين ءساتسىز كوتەرىلىسىن توقتاتقاننان كەيىن كرەمل ونىڭ «بەلارۋسقا كەتەتىنىن» حابارلادى.
وتكەن اپتادا رەسەي قورعانىس مينيسترلىگى ۆاگنەريتتەر ارمياعا 2 مىڭنان استام اسكەري تەحنيكا مەن قارۋ-جاراق تاپسىرعانىن حابارلادى.
