Baqylaýshylardyń habarlaýynsha, 100-den astam kólik bar. Ýkraına barlaýynyń málimetinshe, jaldamalylar Belarýske qarýsyz barǵan, dep habarlaıdy "Adyrna".
Sońǵy kúnderi Reseıden Belarýs aýmaǵyna Vagner PMK jaldamalylarynyń úshinshi toby kirdi.
«Belarýs Gaıýn» monıtorıngtik tobynyń málimetinshe, Reseı Federaııasy men «Vagner» PMK týlary ilingen júzden astam kólik kolonnasy Mogılev oblysyndaǵy dalalyq lager baǵytynda júrip kele jatqan kórinedi. Lager bes myń adamǵa arnalǵan.
Buǵan deıin Belarýs Qorǵanys mınıstrligi «Vagnerıtter» belarýs áskerı qyzmetkerlerin daıyndap jatqanyn habarlady. Dúısenbi kúni Belarýs prezıdenti Aleksandr Lýkashenko halyqtyq mılıııa týraly zańǵa qol qoıdy, sondaı-aq Reseımen áskerı qyzmetkerlerdiń jaýyngerlik daıarlyq ortalyqtaryn qurý týraly kelisim de bekitildi.
Ýkraına barlaýynyń málimetinshe, vagnerıtter Belarýs aýmaǵyna qarýsyz barǵan.
Krasnodar ólkesindegi «Vagner» PMK negizgi bazasy jabyldy. Mundaı málimdemesi bar vıdeony jaldamalylar jarııalady.
Kompanııanyń negizin qalaýshy Evgenıı Prıgojın sátsiz kóterilisin toqtatqannan keıin Kreml onyń «Belarýsqa ketetinin» habarlady.
Ótken aptada Reseı Qorǵanys mınıstrligi vagnerıtter armııaǵa 2 myńnan astam áskerı tehnıka men qarý-jaraq tapsyrǵanyn habarlady.
