تۇركىستان وبلىسى، جەر رەسۋرستارىن باسقارۋ دەپارتامەنتىنىڭ باسشىسى اسا ۇلكەن كولەمدە پارا الدى دەپ ايىپتالدى. بۇل جايلى تۇركىستان وبلىسى بويىنشا سىبايلاس جەمقورلىققا قارسى قىزمەت وكىلدەرى حابارلادى، دەپ جازدى "ادىرنا" ۇلتتىق پورتالى.
تۇركىستان وبلىسى، جەر رەسۋرستارىن باسقارۋ دەپارتامەنتىنىڭ باسشىسى مەن سىبايلاسى كۇدىككە ءىلىندى. ولار جەكە كاسىپكەردى 18 ملن تەڭگە كولەمىندە پارا بەرۋگە يتەرمەلەگەنى ايتىلدى.
تۇركىستان وبلىسى بويىنشا سىبايلاس جەمقورلىققا قارسى قىزمەت وكىلدەرى دەپارتامەنت باسشىسى مەن سىبايلاسىنا قاتىستى سوتقا دەيىنگى تەرگەۋ جۇرگىزىپ جاتىر.
قاراجاتتىڭ تۇركىستان قالاسىندا كوممەرتسيالىق قۇرىلىس سالۋ ءۇشىن جەر ۋچاسكەسىن بەرۋگە جۇمسالعانى ايتىلدى.
تەرگەۋ سوتىنىڭ سانكتسياسىمەن كۇدىكتىلەر قاماۋعا الىندى.
سوتقا دەيىنگى تەرگەۋ جالعاسىپ جاتىر.
قىلمىستىق-پروتسەستىك كودەكسىنىڭ 201-بابىنا سايكەس وزگە دە اقپارات جاريالانبايدى.
"ادىرنا" ۇلتتىق پورتالى
