«AMANAT» پارتياسىنىڭ رەسپۋبليكالىق سايلاۋالدى شتابى وڭىرلەردە سايلاۋشىلارمەن كەزدەسۋدى باستادى. شتاب مۇشەلەرى ءبىرىنشى تۇركىستان وبلىسىندا بولدى.
تۇركىستاندا زيالى قاۋىممەن كەزدەسۋ ءوتتى. جۇزدەسۋدە پارتيانىڭ «حالىقپەن بىرگە!» سايلاۋالدى باعدارلاماسىندا كورىنىس تاپقان رۋحاني قۇندىلىقتار ماسەلەسىنە، ۇلتتىق مادەنيەت پەن شىعارماشىلىق ادامدارىن قولداۋ جونىندەگى شارالارعا ەرەكشە نازار اۋدارىلدى.
«حالىق ءۇشىن سىزدەرىڭ وي-پىكىرلەرىڭىز ەرەكشە ماڭىزدى. سوندىقتان العاشقى كەزدەسۋدى وزدەرىڭىزبەن وتكىزىپ وتىرمىز. سىزدەر مەملەكەت پەن قاراپايىم حالىق اراسىنداعى التىن كوپىر ىسپەتتى ءاردايىم ادىلەتتىلىك پەن تۋرالىقتىڭ جاقتاۋشىسى بولىپ كەلەسىزدەر. قوعام تىنىسىنىڭ تامىرىن تاپ باسىپ، كوپتەگەن ماسەلە بويىنشا ءوز ويلارىڭىزدى اشىق جەتكىزەسىزدەر. بۇل ادىلەتتى قازاقستان قۇرۋ ءۇشىن اسا ماڭىزدى»، - دەدى رەسپۋبليكالىق سايلاۋالدى شتابتىڭ باسشىسى ەرلان قوشانوۆ.
پارتيا توراعاسى مادەنيەت قايراتكەرلەرىنىڭ قوعامداعى ەرەكشە بەدەلىن ەسكەرە وتىرىپ، «AMANAT»-تىڭ پارتيالىق تىزىمدەرىن جاساۋ بارىسىندا شىعارماشىلىق ادامدارىن – بەلگىلى ايتىسكەرلەردى، جازۋشىلاردى، جۋرناليستەردى تىزىمگە قوسۋعا ەرەكشە نازار اۋدارعانىن اتاپ ءوتتى.
پارتيا جىل سايىن ءۇش ءجۇز مادەنيەت نىسانىن سالۋ جانە جاڭعىرتۋدى قامتاماسىز ەتۋدى جوسپارلاپ وتىرعانى ايتىلدى. ونىڭ ىشىندە تەاترلار، كىتاپحانالار، كوممۋنيكاتسيالىق، ءبىلىم بەرۋ جانە دەمالىس ورتالىقتارى بار. مادەنيەت، مۇراعات جانە كىتاپحانا قىزمەتكەرلەرىنىڭ جالاقىسى ەكى ەسەگە ارتتىرىلادى.
بۇدان سوڭ شتاب مۇشەلەرى كەنتاۋدا قالالىق جەو-5 ۇجىمىمەن كەزدەستى. 1952 جىلى ىسكە قوسىلعان جىلۋ ەنەرگەتيكالىق توراپ بۇگىندە 14 مىڭعا جۋىق ابونەنتتى قامتاماسىز ەتەدى.
پارتيالىقتار ەلىمىزدەگى تكش-ينفراقۇرىلىمىن اۋقىمدى جاڭعىرتۋدى قامتاماسىز ەتۋگە نيەتتى ەكەنىن اتاپ ءوتتى. پارتيانىڭ سايلاۋالدى باعدارلاماسىندا ەڭبەك ادامىنىڭ مۇددەلەرىنە ەرەكشە نازار اۋدارىلىپ وتىر. اتاپ ايتقاندا، جالاقىنى ءوسىرۋ، مەديتسينالىق كومەكتى جاقسارتۋ، ەڭبەك قۇقىعىن قورعاۋ سياقتى باسقا دا شارالار قامتىلعان.
وسى كۇنى شتاب مۇشەلەرى سۋ تاسقىنىنان زارداپ شەككەن ساۋران اۋدانىنىڭ شاعا اۋىلىنا باردى. تۇرعىندارمەن كەزدەسۋدە پارتيالىقتار سايلاۋالدى باعدارلامادا كورسەتىلگەن اۋىلداعى ءومىر ءسۇرۋ ساپاسىن ارتتىرۋ شارالارىنا ەرەكشە توقتالدى.
پارتيالىقتار اۋىلداردى تازا اۋىز سۋمەن قامتاماسىز ەتۋگە كۇش سالادى. اۋىل تۇرعىندارىن ماۋسىمدىق سەل ءجۇرۋ قاۋپىنەن، سۋ تاسقىنىنان قورعاۋ جانە گيدروتەحنيكالىق قۇرىلىستار جۇيەسىندە ءتارتىپ ورناتۋ مىندەتى قويىلادى.
رقش مۇشەلەرى بازارعا بارىپ، سايلاۋشىلارمەن جاستاردىڭ پروبلەمالارى جانە ولاردىڭ بولاشاقتا ءوز جولىن تابۋىنا قاتىستى پارتيا ۇسىنعان شارالاردى تالقىلادى. جالپى، «AMANAT»-تىڭ كانديداتتارى، پارتيا بەلسەندىلەرى وڭىردە اگرارشىلارمەن، مۇعالىمدەرمەن، دارىگەرلەرمەن، ەرەكشە قاجەتتىلىكتەرى بار ادامدارمەن ونداعان كەزدەسۋ وتكىزدى.
دايىنداعان: "AMANAT" پارتياسىنىڭ ءباسپاسوز قىزمەتى
تاپسىرىس بەرۋشى: م.ج. وسپانوۆ
“AMANAT” پارتياسىنىڭ سايلاۋ قورى قاراجاتى ەسەبىنەن تولەندى
