اتىراۋ وبلىسىندا جول اپاتىنان 7 ادام قازا تاپتى، دەپ حابارلايدى “ادىرنا” ءتىلشىسى.
دوسسور-قۇلسارى-بەينەۋ تاس جولىندا Chevrolet Cobalt پەن Toyota Ipsum كولىكتەرىنىڭ بەتپە-بەت سوقتىعىستى. سالدارىنان جەتى ادام قازا تاپقان.
جول اپاتى شىلدەنىڭ 16-سى كۇنى ساعات 15:00 شاماسىندا بولعان. اتىراۋ وبلىستىق پوليتسيا دەپارتامەنتىنىڭ مالىمەتىنشە، «دوسسور-قۇلسارى-بەينەۋ» تاس جولىنىڭ 82-ءشى شاقىرىمىندا «شەۆرولە كوبالت» پەن «تويوتا يپسۋم» بەتپە-بەت سوقتىعىسقان.
جاۋاپتى دەپارتامەنت قازا تاپقان ەكى جۇرگىزۋشى دە جىلدامدىقتى اسىرعانى ءۇشىن بۇعان دەيىن دە بىرنەشە رەت قىلمىستىق جاۋاپكەرشىلىككە تارتىلعانىن ايتادى.
