الماتىدا ءىرى جول اپاتى بولىپ، ءتورت ادام زارداپ شەكتى، دەپ حابارلايدى “ادىرنا” ءتىلشىسى.
الماتىنىڭ ورتالىق كوشەلەرىندە تۇندە جول اپاتى ورىن العان. الەۋمەتتىك جەلىدە تاراعان ۆيدەودان 6 بىردەي كولىكتىڭ سوعىلعانىن انىق بايقاۋعا بولادى. ۆيدەودا كولىكتى جالعا العان ازاماتتىڭ اباي داڭعىلىندا ءىرى جول اپاتىن جاساعانى ايتىلعان.
الماتى قالالىق پوليتسيا دەپارتامەنتىنىڭ مالىمەتىنشە، 22 قىركۇيەك تۇنگى 00:10-دە اباي داڭعىلىمەن باتىس باعىتتا «Volkswagen» اۆتوكولىگىن جۇرگىزىپ كەلە جاتقان 2004 جىلى تۋعان ك. ەسىمدى جۇرگىزۋشى تۇراقتا تۇرعان التى كولىكتى سوققان. جاس جۇرگىزۋشى كولىكتى جالعا العان بولىپ شىقتى.
«جول اپاتى سالدارىنان ءتورت ادام زارداپ شەكتى. ولار اۋرۋحاناعا جەتكىزىلدى. جول اپاتىن اۋەزوۆ اۋداندىق پوليتسيا باسقارماسى وندىرىسكە قابىلدادى»، — دەپ حابارلادى قالالىق پوليتسيا دەپارتامەنتىنىڭ ءباسپاسوز قىزمەتى.
ۇقساس جاڭالىقتار
