23 تامىزدا كۇنى جەتىسۋدا 16 كولىك جانىپ كەتتى، دەپ حابارلايدى “ادىرنا” ۇلتتىق پورتالى.
"باتىس ەۋروپا - باتىس قىتاي" اۆتوجولىنىڭ 278 -شاقىرىمىندا جول اپاتى بولدى.
جەتىسۋ وبلىستىق پد جول اپاتى كەشكە 18:15 شاماسىندا بولعانىن حابارلادى. ەكى جۇك كولىگى سوعىلعان. ارتىنشا 16 كولىك ورتەنىپ كەتتى. ونىڭ 14-ءى جۇك كولىكتەرىنە تيەلگەن جەڭىل اۆتوكولىكتەر بولعانى انىقتالدى.
ء"بىرىنشى اۆتوكولىكتىڭ جۇرگىزۋشىسى امان، ەكىنشى اۆتوكولىك جۇرگىزۋشىسىنىڭ تاعدىرى بەلگىسىز. توتەنشە جاعدايلار دەپارتامەنتى قىزمەتكەرلەرى ءورت ءسوندىرىپ جاتىر. وقيعا سەبەبى انىقتالىپ جاتىر", – دەدى جەتىسۋ وبلىستىق پد جپقب باستىعى قايسار مۋحمەتوۆ.
