بۇگىن شىمكەنت قالاسىنىڭ قالالىق ورتا ساپاسى جانە باقىلاۋ باسقارماسى باسشىسىنىڭ ورىنباسارى باۋىرجان ايماعامبەتوۆ شاھارداعى زاڭسىز اۆتوجۋ نىساندارى بويىنشا ءباسپاسوز بريفينگىن وتكىزدى.
باۋىرجان يلياسۇلىنىڭ ايتۋىنشا، باسقارما تاراپىنان 36 اۆتوكولىك جۋ يەسىنە قاتىستى اكىمشىلىك قۇقىق بۇزۋشىلىق تۋرالى حاتتاما تولتىرىلعان.
—شاھاردا قۇرىلىستى جوبالىق قۇجاتتاماسىز سالۋ، اۆتورلىق جانە تەحنيكالىق قاداعالاۋشىلارسىز جۇرگىزگەن اۆتوكولىك جۋ ورىندارىنىڭ يەلەرىنە قاتىستى بىرقاتار زاڭسىزدىقتار انىقتالعان.
2022 جىلدان بەرى باسقارما تاراپىنان سوت ورگاندارىنا 14 تالاپ-ارىز جىبەرىلسە، قازىرگى ۋاقىتتا ماجبۇرلەپ بۇزۋ تۋرالى 8 تالاپ-ارىز سوت شەشىمىمەن قاناعاتتاندىرىلعان.
ال 5 اۆتوجۋ يەسى اكىمشىلىك جاۋاپكەرشىلىككە تارتىلعانعا دەيىن قۇرىلىس نىساندارىن ءوز ەركىمەن بۇزدى، - دەدى ب. ايماعامبەتوۆ.
شىمكەنت قالاسىنىڭ اۋدان اۋماقتارىندا زاڭسىز ورنالاسقان كاسىپكەرلىك نىسانداردىڭ يەلەرىنە ءتۇسىندىرۋ جۇمىستارى بويىنشا شاھاردا جۇمىس توبى قۇرىلعان ەدى. ءتيىستى باسقارمالار ءوز قۇزىرەتى شەگىندە جۇمىس جۇرگىزۋدە.
باسقارما باسشىسىنىڭ ورىنباسارى قۇرىلىس سالۋشىلاردى قۇرىلىس پروتسەسىنە قويىلاتىن بارلىق تالاپتاردى ساقتاۋعا شاقىرادى.
