Búgin Shymkent qalasynyń qalalyq orta sapasy jáne baqylaý basqarmasy basshysynyń orynbasary Baýyrjan Aımaǵambetov shahardaǵy zańsyz avtojýý nysandary boıynsha baspasóz brıfıngin ótkizdi.
Baýyrjan Ilıasulynyń aıtýynsha, basqarma tarapynan 36 avtokólik jýý ıesine qatysty ákimshilik quqyq buzýshylyq týraly hattama toltyrylǵan.
—Shaharda qurylysty jobalyq qujattamasyz salý, avtorlyq jáne tehnıkalyq qadaǵalaýshylarsyz júrgizgen avtokólik jýý oryndarynyń ıelerine qatysty birqatar zańsyzdyqtar anyqtalǵan.
2022 jyldan beri basqarma tarapynan sot organdaryna 14 talap-aryz jiberilse, qazirgi ýaqytta májbúrlep buzý týraly 8 talap-aryz sot sheshimimen qanaǵattandyrylǵan.
Al 5 avtojýý ıesi ákimshilik jaýapkershilikke tartylǵanǵa deıin qurylys nysandaryn óz erkimen buzdy, - dedi B. Aımaǵambetov.
Shymkent qalasynyń aýdan aýmaqtarynda zańsyz ornalasqan kásipkerlik nysandardyń ıelerine túsindirý jumystary boıynsha shaharda jumys toby qurylǵan edi. Tıisti basqarmalar óz quzireti sheginde jumys júrgizýde.
Basqarma basshysynyń orynbasary qurylys salýshylardy qurylys proesine qoıylatyn barlyq talaptardy saqtaýǵa shaqyrady.
