ءبىر نارسە سۇرايىنشى. وسى سەندەر ءالى دە بىرەۋلەرگە اكەسىنىڭ اتىن قوسىپ سويلەيسىڭدەر مە؟ -ۆنا، -ۆيچ، نە -قىزى، -ۇلى دەپ؟ وسى ءبىر كولونيال تاريحىمىزدى بەتىمىزگە باسىپ تۇراتىن ەتيكەتكە كرينج ۇستايمىن. وتارلاۋشى ەل اكەلىپ ونى مادەنيەت دەپ تاڭىپ، ولاي دەمەگەندەردى مادەنيەتسىز ساناپ، پسيحولوگيالىق زورلىق/قىسىممەن ەنبەپ پە ەدى؟ قازىر ءبىراز مەممەكەمەگە بارساڭ، ءالى سول قىزى مەن ۇلى، ۆنا، ۆيچتەر ءورىپ جۇرەدى. ولاي دەمەسەڭ، بەتىڭە باجىرايىپ، اۋلەتىن بوقتاعانداي بولاتىنى تاعى بار. جۇرگەنىڭ سول ءوزىڭدى ادامزاتتىڭ قورى سەزىنىپ. ءوزىم بۇدان باس تارتقالى ءبىراز بوپ قالدى. بىرەۋگە بارىپ سەنكىلدەپ تۇرماي-اق، جاي ەسىمىن ايتىپ ءسىز دەپ سويلەگەن ىڭعايلى.
سوسىن ەكى مىڭداردان بەرى تۋعانداردىڭ الدى ۋجە وقۋ ءبىتىرىپ جۇمىسقا تۇرىپ جاتىر عوي. توقسان بىردەن بەرى دەمەي-اق قويايىن، ەكى مىڭداردان بەرى تۋعان قىزى مەن ۆيچتەردى كورۋ ءتىپتى ءبىرتۇرلى ەكەن. اپاي، اعاي سياقتى ءبىر قازاقى ءسوز ايتىپ قالساڭ، بارار جەرىڭ توزاق. ءاپ-ادەمى سوزدەر عوي بىلاي. نو كەزىندە كولونيست مادەنيەتسىزدىك دەپ شەشكەن سوڭ جەكسۇرىن بوپ قالعان.
اقىرى كوبارىپ بوپ كەتتى عوي، ءبىر وسەك ايتا سالايىن. ۋنيۆەردە جۇرگەندە ءبىر جاستار ۇيىمىن قۇرىپ، ءبىر-بىرىمىزگە مىرزا، حانىم دەپ سويلەپ، ۇلتتىق ەتيكەت قالىپتاستىرساق دەپ جۇرگەنبىز. سول كەزدە قاتار وقىعان ءبىر حانىم كەيىن كوللەدجگە ساباق بەرۋگە بارىپ، سول جەردە وقيىن بالالار اپاي دەسە، اپايدى بازاردان كورەسىڭ، قىزى دەپ سويلە دەگەن تالاپ قويىپتى. تاۋەلسىز، بەيبىت زاماندا بۇل نە ترانسفورماتسيا دەپ تاڭ قالعام.
پ.س. ەندى تىم يدەالمىن، تولىق دەكولوندالدىم دەي المايمىن. ءدال سولاي اتاماساڭ، كوز الدىڭدا شالقاسىنان ءتۇسىپ، قاقالىپ ولە قالاتىنداي تالاپ قوياتىندار بولادى. وندايدا ماسەلەنى كونفليكتىگە جەتكىزبەي-اق قويايىنشى دەپ ۆنا دەي سالاتىنىم بار ەندى. اقىرىنداپ، كونفليكتكە ءبىر-ەكى رەت كىرىپ كورىپ ودان دا ارىلارمىز. جالپى، ارتتا قاپ كەتكەن مەن عانا ما دەپ سىزدەردەن سۇراپ قويايىن دەپ سول.
