ەكس-پرەزيدەنت نۇرسۇلتان نازارباەۆتىڭ سىنىپتاسى، بۇرىنعى شەنەۋنىك باۋىرجان بايبەكتىڭ اكەسى قىدىرعالي بايبەك زاڭسىز قۇرىلىس جۇرگىزدى دەگەن كۇدىككە ءىلىنىپ، ايىپپۇل تولەۋگە كەسىلدى، دەپ حابارلايدى "ادىرنا" ءتىلشىسى.
سوت قىدىرعالي بايبەكتى ليتسەنزياسىز كاسىپكەرلىك نەمەسە وزگە دە قىزمەتپەن اينالىسقانى ءۇشىن كىنالى دەپ تاپتى. وعان 51 750 تەڭگە ايىپپۇل سالىندى.
بۇعان دەيىن، بايبەكتىڭ اكەسىنە اكىمشىلىك قۇقىق بۇزۋشىلىق تۋرالى كودەكستىڭ 319-بابى بويىنشا ايىپ تاعىلعان بولاتىن.
ايتا كەتەيىك، قىدىرعالي بايبەك كوپشىلىككە الماتىنىڭ ەكس-اكىمى باۋىرجان بايبەكتىڭ اكەسى جانە ەكس-پرەزيدەنت نۇرسۇلتان نازارباەۆتىڭ سىنىپتاسى رەتىندە تانىمال. ول تەمىرجول سالاسىندا ەڭبەك ەتكەن.
