ادىلەت مينيسترلىگى: توقاەۆتىڭ شەتەلدە قىزمەت ەتكەنى سايلاۋعا تۇسۋىنە كەدەرگى ەمەس

877

قاسىم-جومارت توقاەۆتىڭ جەنەۆادا قىزمەت ەتكەنى ونىڭ پرەزيدەنت سايلاۋىنا قاتىسۋىنا كەدەرگى ەمەس. بۇل تۋرالى قازاقستان ادىلەت ۆيتسە-ءمينيسترى ناتاليا پانعا سىلتەمە جاساعان باسىلىمدار حابارلادى.

پاننىڭ سوزىنشە، توقاەۆ شەتەلدە قازاقستان تاپسىرماسىمەن قىزمەت بابىندا بولعاندىقتان، ونىڭ سايلاۋعا قاتىسۋىنا بولادى.

تengrinews.kz اقپارات اگەنتتىگى ءماجىلىس توراعاسىنىڭ ورىنباسارى، دەپۋتات گۇلميرا يسيمباەۆانىڭ "توقاەۆ باسقا ديپلوماتتار سياقتى زاڭ بويىنشا سايلاۋعا قاتىسا الادى. سەبەبى (ديپلوماتتاردىڭ) قىزمەت بابىمەن شەتەلدە ءجۇرۋى ءىس-ساپار سانالادى. شەتەلدە قىزمەت ەتتى دەپ ەسەپتەلمەيدى. [توقاەۆتىڭ سايلاۋعا قاتىسۋىنا] ەشبىر قۇقىقتىق شەكتەۋ جوق" دەگەن ءسوزىن كەلتىرەدى.

دەپۋتاتتىڭ سوزىنشە، "نۇر وتان" سايلاۋعا ءبىر كانديدات شىعارادى.

قاسىم-جومارت توقاەۆ 2011-2013 جىلدارى بۇۇ-نىڭ جەنەۆاداعى بولىمشەسىنىڭ باس ديرەكتورى بولعان. كونستيتۋتسيا بويىنشا، قازاقستان پرەزيدەنتى بولىپ سوڭعى 15 جىل ەلدە تۇرعان ازامات قانا سايلانا الادى.

قازاقستاندا پرەزيدەنت سايلاۋى بيىل 9 ماۋسىمدا وتەدى.

9 ساۋىردە، مەملەكەتتىك ارنالاردان مالىمدەمە جاساماس بۇرىن، توقاەۆ اقوردادا Nur Otan پارتياسى توراعاسىنىڭ ءبىرىنشى ورىنباسارى ماۋلەن اشىمباەۆتى، "اق جول" دەموكراتيالىق پارتياسىنىڭ توراعاسى ازات پەرۋاشەۆتى، قازاقستان كوممۋنيستىك حالىق پارتياسى ورتالىق كوميتەتىنىڭ حاتشىسى ايقىن قوڭىروۆتى، "اۋىل" حالىقتىق-دەموكراتيالىق پاتريوتتىق پارتياسىنىڭ توراعاسى ءالي بەكتاەۆتى قابىلداعان.

"ازاتتىق" راديوسى

پىكىرلەر