ەلىمىزدىڭ باتىس وڭىرىندە تاعى ءورت شىقتى، دەپ حابارلايدى “ادىرنا”.
جەتىنشى شىلدە كۇنى تاڭعى ۋاقىتتا اتىراۋ تۇرعىندارى ءورتتىڭ ءيىسىن سەزگەن. وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا، بارلاۋ جانە ءورت وشاقتارىن ىزدەۋ ءۇشىن مي-8 «قازاۆياپاس» تىكۇشاعى دا قىزمەتكە كىرىسكەن. كوميسسيا مۇشەلەرى اۋەدەن 15 شاقىرىم راديۋستا كاسپي تەڭىزىنىڭ جاعالاۋ اۋماعىنا اەروۆيزۋالدى شولۋ جۇرگىزگەن. انىقتالعانداي ءورتتىڭ جالپى اۋدانى 10 گەكتاردى قۇرايدى.
– ورتەنىپ جاتقان اۋماق يەسىز، ياعني كاسپي تەڭىزىنىڭ جاعالىق اۋماعى. جەلدىڭ باعىتى تەڭىزگە قاراي. ەلدى مەكەندەرگە قاۋىپ ءتونىپ تۇرعان جوق. ساعات 05:40-تا اتىراۋ وبلىسى توتەنشە جاعدايلار دەپارتامەنتىنىڭ كۇشتەرى مەن قۇرالدارى ءورتتى ءسوندىرۋ ءۇشىن العا جىلجىدى. ساعات 08:30-دا اتىراۋ قالاسىنان 30 شاقىرىم جەردەگى كۇنگە كۇيەتىن ورىندارعا جەتتىك، - دەپ ءتۇسىندىردى تجد.
باتىس قازاقستانداعى ءورت سالدارىنان تۇرعىندار ەۆاكۋاتسيالانىپ جاتىر.
