Еліміздің батыс өңірінде тағы өрт шықты, деп хабарлайды “Адырна”.
Жетінші шілде күні таңғы уақытта Атырау тұрғындары өрттің иісін сезген. Облыстық Төтенше жағдайлар департаменті баспасөз қызметінің хабарлауынша, барлау және өрт ошақтарын іздеу үшін МИ-8 «Қазавиапас» тікұшағы да қызметке кіріскен. Комиссия мүшелері әуеден 15 шақырым радиуста Каспий теңізінің жағалау аумағына аэровизуалды шолу жүргізген. Анықталғандай өрттің жалпы ауданы 10 гектарды құрайды.
– Өртеніп жатқан аумақ иесіз, яғни Каспий теңізінің жағалық аумағы. Желдің бағыты теңізге қарай. Елді мекендерге қауіп төніп тұрған жоқ. Сағат 05:40-та Атырау облысы Төтенше жағдайлар департаментінің күштері мен құралдары өртті сөндіру үшін алға жылжыды. Сағат 08:30-да Атырау қаласынан 30 шақырым жердегі күнге күйетін орындарға жеттік, - деп түсіндірді ТЖД.
Батыс Қазақстандағы өрт салдарынан тұрғындар эвакуацияланып жатыр.
