وزبەكستان كاسپي تەڭىزى ارقىلى وتەتىن وزبەك-ازەربايجان كولىك ءدالىزىن قۇرۋعا مۇددەلى. بۇل تۋرالى وزبەكستان پرەزيدەنتى شاۆكات ميرزيوەۆ ايتتى، دەپ حابارلايدى "ادىرنا" ءتىلشىسى.
جەرگىلىكتى باق دەرەگىنشە، مەملەكەت باسشىسى بۇل ماسەلەنى ازەربايجان پرەزيدەنتى يلحام اليەۆپەن بىرگە ازەربايجان-وزبەكستان جوعارى مەملەكەتارالىق كەڭەسىنىڭ ءۇشىنشى وتىرىسىندا تالقىلاعان. ميرزيوەۆتىڭ ايتۋىنشا، ورتا ءدالىزدى دامىتۋ اياسىندا كاسپيدەگى ەكى ەلدىڭ بىرلەسكەن فلوتىن ىسكە قوسۋ جۇمىستارىن جەدەلدەتۋ قاجەت.
ء«بىز كاسپيدە بىرىڭعاي وپەراتورى بار جەكە وزبەك-ازەربايجان ءدالىزىن قۇرۋعا دا مۇددەلىمىز»، – دەدى شاۆكات ميرزيوەۆ.
ۇسىنىس وزبەكستان مەن ازەربايجان اراسىنداعى تىكەلەي كولىك بايلانىسىن كۇشەيتىپ، كاسپي ارقىلى جۇك تاسىمالىن ءتيىمدى ۇيىمداستىرۋعا باعىتتالعان.
ورتا ءدالىز قىتاي مەن ورتالىق ازيانى كاسپي تەڭىزى ارقىلى ازەربايجان جانە ودان ءارى ەۋروپامەن بايلانىستىراتىن ماڭىزدى ترانزيتتىك باعىتتاردىڭ ءبىرى سانالادى.
