ۋيمبلدون-2023: ەلەنا رىباكينا ءتورتىنشى اينالىمعا شىقتى

3970
Adyrna.kz Telegram

قازاقستاننىڭ ءبىرىنشى، الەمنىڭ ءۇشىنشى راكەتكاسى ەلەنا رىباكينا ۋيمبلدون ءتۋرنيرىنىڭ ءتورتىنشى اينالىمىنا شىقتى، دەپ حابارلايدى “ادىرنا” ۇلتتىق پورتالى.

ەلەنا رىباكينا لوندوندا وتكەن جىلعى اتاعىن قورعاپ جاتقان قازاقستاندىق تەننيسشى ءۇشىنشى اينالىمدا ۇلىبريتانيانىڭ ءبىرىنشى، الەمنىڭ سەكسەن توعىزىنشى راكەتكاسى كەتي بۋلتەرمەن شەبەرلىك بايقاستى.

بۇل قوس سپورتشىنىڭ العاشقى كەزدەسۋى.  بۋلتەر ءوز ەلىندە ونەر كورسەتىپ جاتقاندىقتان، بارىن سالاتىنى ءارى جەرگىلىكتى جانكۇيەرلەردىڭ ونى جاقتايتىنى تۇسىنىكتى بولاتىن.

ءبىرىنشى پارتيادا برەيك جاساعان ەلەنا 3:1 ەسەبىمەن العا كەتتى. تاعى ءبىر برەيك – 5:1. سوسىن ءوز گەيمىن قينالماي الدى – 6:1.

رىباكينا ەكىنشى سەتتى دە برەيكپەن باستادى – 2:0. اقىرى ماتچتى كەزەكتى برەيكپەن ءتامامدادى – 6:1.

ءبىر ساعاتقا جۋىق ۋاقىتقا سوزىلعان باسەكە بارىسىندا قازاقستاندىق سپورتشى 7 ەيسپەن بىرگە 7 برەيك-پوينتتىڭ بەسەۋىن ءوز ەسەبىنە جازدى.

ەلەنا رىباكينا شيرەك فينالعا شىعۋ ءۇشىن الەمنىڭ 13-راكەتكاسى، برازيليالىق بەاتريس حادداد مايامەن كەزدەسەدى.

پىكىرلەر