Qazaqstannyŋ bırınşı, älemnıŋ üşınşı raketkasy Elena Rybakina Uimbldon turnirınıŋ törtınşı ainalymyna şyqty, dep habarlaidy “Adyrna” ūlttyq portaly.
Elena Rybakina Londonda ötken jylǧy ataǧyn qorǧap jatqan qazaqstandyq tennisşı üşınşı ainalymda Ūlybritaniianyŋ bırınşı, älemnıŋ seksen toǧyzynşy raketkasy Keti Bultermen şeberlık baiqasty.
Būl qos sportşynyŋ alǧaşqy kezdesuı. Bulter öz elınde öner körsetıp jatqandyqtan, baryn salatyny ärı jergılıktı janküierlerdıŋ ony jaqtaityny tüsınıktı bolatyn.
Bırınşı partiiada breik jasaǧan Elena 3:1 esebımen alǧa kettı. Taǧy bır breik – 5:1. Sosyn öz geimın qinalmai aldy – 6:1.
Rybakina ekınşı settı de breikpen bastady – 2:0. Aqyry matchty kezektı breikpen tämamdady – 6:1.
Bır saǧatqa juyq uaqytqa sozylǧan bäseke barysynda qazaqstandyq sportşy 7 eispen bırge 7 breik-pointtyŋ beseuın öz esebıne jazdy.
Elena Rybakina şirek finalǧa şyǧu üşın älemnıŋ 13-raketkasy, braziliialyq Beatris Haddad Maiiamen kezdesedı.
Ūqsas jaŋalyqtar
