Ýımbldon-2023: Elena Rybakına tórtinshi aınalymǵa shyqty

3960
Adyrna.kz Telegram

Qazaqstannyń birinshi, álemniń úshinshi raketkasy Elena Rybakına Ýımbldon týrnıriniń tórtinshi aınalymyna shyqty, dep habarlaıdy “Adyrna” ulttyq portaly.

Elena Rybakına Londonda ótken jylǵy ataǵyn qorǵap jatqan qazaqstandyq tennısshi úshinshi aınalymda Ulybrıtanııanyń birinshi, álemniń seksen toǵyzynshy raketkasy Ketı Býltermen sheberlik baıqasty.

Bul qos sportshynyń alǵashqy kezdesýi.  Býlter óz elinde óner kórsetip jatqandyqtan, baryn salatyny ári jergilikti jankúıerlerdiń ony jaqtaıtyny túsinikti bolatyn.

Birinshi partııada breık jasaǵan Elena 3:1 esebimen alǵa ketti. Taǵy bir breık – 5:1. Sosyn óz geımin qınalmaı aldy – 6:1.

Rybakına ekinshi setti de breıkpen bastady – 2:0. Aqyry matchty kezekti breıkpen támamdady – 6:1.

Bir saǵatqa jýyq ýaqytqa sozylǵan báseke barysynda qazaqstandyq sportshy 7 eıspen birge 7 breık-poınttyń beseýin óz esebine jazdy.

Elena Rybakına shırek fınalǵa shyǵý úshin álemniń 13-raketkasy, brazılııalyq Beatrıs Haddad Maııamen kezdesedi.

Pikirler