رەسەيلىك كونكيشى ەليزاۆەتا گولۋبەۆا قازاقستان قۇراماسىندا ويناعىسى كەلەدى. بۇل تۋرالى سارسەنبى كۇنى رەسەي كونكيشىلەر وداعىنىڭ پرەزيدەنتى نيكولاي گۋلياەۆ مالىمدەدى, دەپ حابارلايدى “ادىرنا” ۇلتتىق پورتالى.
رەسەي كونكي تەبۋشىلەر وداعىنىڭ پرەزيدەنتى نيكولاي گۋلياەۆ گولۋبەۆانىڭ قازاقستان قۇراماسىنا اۋىسۋعا ءوتىنىش بەرگەنىن ايتتى.
قازىر بىزدە بەلگىلى ءبىر بيۋروكراتيالىق پروتسەدۋرالار ءجۇرىپ جاتىر. ءبىز رەسەي كونكي تەبۋشىلەر وداعىنىڭ اتقارۋشى كوميتەتى بەكىتكەن ەرەجەلەرگە سايكەس ەل ىشىندە دە، شەتەلدە دە اۋىسۋ ءۇشىن ارەكەت ەتەمىز. سپورتشىدان اۋىسۋ سەبەپتەرى تۋرالى سۇراعان دۇرىس. بىراق، ولار ايتقانداي، ءسىزدى جاقسى بولۋعا ماجبۇرلەۋ مۇمكىن ەمەس. ونىڭ ار-وجدانىندا بولسىن، اركىم ءوزى شەشەدى، - دەدى ول.
ايتا كەتەيىك، سپورتشى رەسەي قۇراماسى ساپىندا كونكيمەن جۇگىرۋدەن الەم چەمپيوناتىنىڭ التى دۇركىن قولا جۇلدەگەرى اتانعان.
گولۋبەۆا 26 جاستا، بيىلعى ماۋسىمدا ول ماسس-ستارتتا رەسەي چەمپيونى، كوماندالىق جارىستا ەكىنشى جانە 1000, 3000 مەترگە جۇگىرۋدە ءۇشىنشى بولدى.
