بيزنەسىم ءجۇرىپ كەتسە 21 مىڭ تەڭگەنى الا-الماي قالمايمىن با؟

405

حالىقپەن جۇمىس ىستەپ ءجۇرمىز. مەملەكەتتەن ەل ازاماتتارىنىڭ ءوز كاسىپتەرىن باستاۋعا ءتۇرلى گرانتتار ءبولىنىپ جاتىر. قازىرگى تاڭدا كوپبالالى انالارعا دەپ كاسىبىن باستاۋعا العاشقى كومەك رەتىندە 500 مىڭ تەڭگە گرانت بەرۋ ماسەلەسى وكىمەت قاراۋىندا. ەل بولعاننان كەيىن نەشە ءتۇرلى ازاماتتار كەلىپ جاتادى. بۇگىنگى بولعان ديالوگ:

- مەن كوپ بالالى انامىن. 500 مىڭ تەڭگە گرانتتى الىپ كاسىبىمدى باستاعىم كەلەدى.
- جاقسى. بيزنەس جوسپارىڭىزدى جازۋعا كومەكتەسىپ، وقىتامىز. ارى قاراي دا كاسىبىڭىزدى ءسۇيەمەلدەپ، اياقتان تۇرىپ كەتكەنشە كومەكتەسەمىز.
- نە عوي، ەرتەڭ ول بيزنەس ءجۇرىپ كەتسە، تابىسىم كوبەيىپ كەتىپ 21000 تەڭگەنى الا الماي قالمايمىن با؟..
- تابىسىڭىز كوبەيىپ جاتسا قۋانبايسىز با؟ وكىمەتكە الاقان جايا بەرمەي، ءوز كاسىبىڭىزدى ءوزىڭىز دوڭگەلەتىپ، بايىپ جاتساڭىز 21 مىڭدى قايتەسىز؟
- گرانتتى الىپ كاسىبىم جۇرمەي جاتىر دەپ تابىسىمدى تومەن قىلىپ كورسەتىپ، مىنا جاقتان 21 مىڭ تەڭگەنى دە الا بەرەتىن جولدارى جوق پا؟..
- ......................

P.S. ءالى گرانتتى الماي جاتىپ، ەرتەڭ بايىپ كەتسەم تابىسىمدى ازايتىپ، وكىمەتكە جالعان اقپارات بەرىپ، مىنا جاقتان 21 مىڭ تەڭگەنى دە الا بەرگىسى كەلىپ تۇر عوي ۆووبششەم. اڭگىمەسىنىڭ توركىنى كاسىپ اشىپ، ەڭبەك ەتىپ بايىعاننان كورى 21 مىڭ تەڭگەنى الىپ، كومفورتنىي زونادا وتىرا بەرگىسى كەلەدى. ۆوت، مەنتاليتەت! ەندى وسىنداي xالىقپەن جۇمىس ىستەپ، ساناسىن وزگەرتىپ، دامىعان 30 ەلدىڭ قاتارىنا كىرەتىن ەكونوميكا قۇرىپ كور

باۋىرجان سەرىكباەۆ

"ادىرنا" ۇلتتىق پورتالى

پىكىرلەر