ريم پاپاسى فرانتسيسك ستوكگولمدەگى مۇسىلمانداردىڭ قاسيەتتى كىتابىن ورتەۋ ارەكەتىن قاتاڭ سىنعا الىپ، قارسى پىكىر ءبىلدىردى، دەپ حابارلايدى "ادىرنا" ۇلتتىق پورتالى "Deutsche Welle"-گە سىلتەمە كورسەتە وتىرىپ.
ريم پاپاسى فرانتسيسك وتكەن اپتادا شۆەتسيا استاناسىندا وتكەن قۇراندى ورتەۋ ارەكەتىن ايىپتادى. 3 شىلدەدە شىققان ء"ال-يتتيحاد" گازەتىنە بەرگەن سۇحباتىندا ول مۇسىلمانداردىڭ قاسيەتتى كىتابىنىڭ ورتەنۋىن "جيىركەنىشتى ارەكەت" دەپ اتادى.
"مەن مۇنداي ارەكەتتەردەن جيىركەنەمىن، اشۋلانامىن. حالىق قاسيەتتى دەپ سانايتىن كەز كەلگەن كىتاپقا سەنۋشىلەرگە قۇرمەتپەن قاراۋ كەرەك. ءسوز بوستاندىعى ەشقاشان باسقالاردى قورلاۋ ءۇشىن سىلتاۋ رەتىندە پايداعا اسپاۋى كەرەك", - دەدى اۆتور.
28 ماۋسىمدا ستوكگولمدەگى باس مەشىتتە وتكەن اكتسياعا شۆەتسيا پوليتسياسى رۇقسات بەردى. اقپان ايىندا كورولدىكتىڭ قۇقىق قورعاۋ ورگاندارى قاۋىپسىزدىك ماقساتىندا وسىنداي ءىس-شارانى وتكىزۋ تۋرالى ءوتىنىشتى قابىلدامادى. الايدا ماۋسىم ايىندا كاسساتسيالىق سوت مۇنداي تىيىمدى زاڭسىز دەپ تاپتى.
بۇعان دەيىن بىرقاتار مەملەكەتتەر، سونىڭ ىشىندە تۇركيا، مۇنداي سويقان ناۋقاندى قاتتى ايىپتادى. تۇرىك ءسىم باسشىسى حاكان فيدان قۇربان ايت مەرەكەسىنىڭ ءبىرىنشى كۇنىندە جاسالعان مۇنداي ارەكەتتى "ارام" دەپ اتاپ، ء"سوز بوستاندىعى سىلتاۋىمەن يسلامعا قارسى ارەكەتتەرگە جول بەرمەۋگە" شاقىردى.
"ادىرنا" ۇلتتىق پورتالى
