ريم پاپاسى قازاقستانداعى جاپپاي زارداپ شەككەندەر ءۇشىن دۇعا ەتۋگە شاقىردى، دەپ حابارلايدى "ادىرنا" ءتىلشىسى Vatican.news-كە سىلتەپ.
ريم پاپاسى فرانتسيسك جالپى اۋدەنتسيا كەزىندە جۇرتشىلىقتان ورتالىق ازيا ەلدەرىنىڭ كوپتەگەن ايماقتارىنا اسەر ەتكەن جانە مىڭداعان ادامدى ەۆاكۋاتسيالانۋعا ءماجبۇر ەتكەن قازاقستانداعى جاپپاي سۋ تاسقىنىنان زارداپ شەككەندەر ءۇشىن دۇعا ەتۋگە شاقىردى.
"مەن ءدال وسى ۋاقىتتا قازاقستان حالقىنا رۋحاني جاقىن ەكەنىمدى بىلدىرگىم كەلەدى. مەن بارشانى وسى تابيعي اپاتتىڭ سالدارىنان زارداپ شەككەندەردىڭ بارلىعىنا دۇعا ەتۋگە شاقىرامىن", - دەدى ريم پاپاسى فرانتسيسك اعىلشىن ءدىندارلارىن رەسمي قابىلداۋ كەزىندە.
ەسكە سالا كەتەيىك، ريم پاپاسى 2022 جىلدىڭ قىركۇيەك ايىندا قازاقستانعا ءىس-ساپارمەن كەلگەن بولاتىن.
ودان بولەك، قازاقستاندا سۋ تاسقىنى باستالعالى بەرى وڭىرلەردەن 97 071 ادام ەۆاكۋاتسيالاندى.
