بۇل تۇرالى وڭىرلىك كوممۋنيكاتسيالار قىزمەتى الاڭىندا پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باستىعىنىڭ ورىنباسارى سەرىك سارسەنوۆ باياندادى.
ونىڭ ايتۋىنشا، جىل باسىنان بەرى ايەلدەرگە قاتىستى 1785 قىلمىس جاسالعان. ونىڭ ىشىندە، ادام ءولتىرۋدىڭ – 10;
· ادام دەنساۋلىعىنا قاساقانا اۋىر زيان كەلتىرۋدىڭ – 3;
· ادام دەنساۋلىعىنا ورتاشا زيان كەلتىرۋدىڭ – 32;
· زورلاۋدىڭ – 22;
· جىنىستىق سيپاتتاعى زورلىق-زومبىلىق كورسەتۋدىڭ – 16;
«ايەلدەرگە قاتىستى قىلمىستىڭ تۇرلەرى كوپ. مۇنىڭ ىشىندە دەنساۋلىققا زيان كەلتىرۋ، ۇرلىق، جالعان حابارلاما تاراتۋ، كىسى ءولىمى، زورلاۋ فاكتىلەرىنىڭ بارلىعى بار. 5 اي ىشىندە جىنىستىق زورلاۋدىڭ 22, سەكسۋالدى سيپاتتاعى ارەكەتكە وقتالۋدىڭ 15 فاكتىسى انىقتالعان. كامىلەتكە تولماعاندارعا ءجابىر كورسەتۋدە تيىلماي تۇر. قىلمىستىق كودەكستىڭ 122-ءشى بابى بويىنشا 16 جاسقا تولماعاندارعا جىنىستىق جانە سول سيپاتتاعى وزگە دە ارەكەتتەر بويىنشا 12 ءىس اشىلعان. بالالارعا دا ارام پيعىلمەن قول جۇگىرتۋدىڭ وڭىردە 5 دەرەگى تىركەلدى»، – دەيدى پد-ءنىڭ ايەلدەردى زورلىق-زومبىلىقتان قورعاۋ بولىمشەسىنىڭ اعا ينسپەكتورى دينارا اياتبەكوۆا.
جەرگىلىكتى پوليتسيا قىزمەتكەرلەرىنىڭ ايتۋى بويىنشا، ومىرلىك قيىن جاعدايلارعا تۇسكەن ايەلدەرگە قولداۋ كورسەتۋ شارالارى بويىنشا قازىر ايەل ادامدارمەن جۇمىس جاسايتىن 4 داعدارىس ورتالىعى بار. ونىڭ ەكەۋى قاسكەلەڭدە جانە قوناەۆ پەن جەتىگەندە. ونىڭ 1-ءى 35 ورىنعا ارنالاعان. ول جاقتا 29 ادامعا قىزمەت كورسەتىلىپ، 30-عا جۋىق بالا مامانداردىڭ كومەگىنە جۇگىنە الادى. مۇنداي ورتالىقتاردا قازىرگى كەزدە تەك وتباسىلىق كيىنشىلىقتاردى كورگەن ايەلدەرگە عانا ەمەس، پسيحولوگيالىق دەپرەسسيادا جۇرگەن ايەلدەر قاۋىمىنا كومەكتەسەدى. قوناەۆ قالاسى بويىنشا، ەسەپتىك كەزەڭدە 45 ادام جەتكىزىلگەن، ونىڭ 30-ى بالالار.
قازىرگى كەزدە، زورلىق-زومبىلىق قۇرباندارىن انىقتاۋعا باعىتتالعان تۇراقتى رەيدتەر جۇرگىزىلەدى. سونىمەن قاتار وبلىستا 28 سەنىم تەلەفونى جۇمىس ىستەيدى.
«حابار24» تەلەارناسىندا بارلىق سەنىم تەلەفوندارى كورسەتىلگەن «زورلىق-زومبىلىق قۇرباندارى» تاقىرىبىندا رەپورتاجدار بىرنەشە رەت ءتۇسىرىلدى.
سونىمەن قوسا، جەرگىلىكتى اتقارۋشى ورگاندارمەن ءتۇرلى بەينەروليكتەرگە قارجى ءبولۋ جۇمىستارى جۇرگىزىلىپ، تۇسىندىرمە تاقىرىپتاردا بيلبوردتار تاراتىلىپ جاتىر
