اۋىل تۇرعىندارىنىڭ تابىسىن ارتتىرۋعا باعىتتالعان «اۋىل اماناتى» باعدارلاماسىنا 8,3 ملرد. تەڭگە ءبولىندى. بۇل تۋرالى الماتى وبلىسىنىڭ اكىمى مارات سۇلتانعازيەۆ ءباسپاسوز ءماسليحاتىندا مالىمدەدى.
«اۋىل اماناتى» جوباسى تۇرعىنداردىڭ تابىس كوزىن ارتتىرۋ جولىندا باعا جەتپەس ءرول اتقارادى دەگەن، مارات ەلەۋسىزۇلى بۇگىنگى كۇنگە 133 اۋىلدىق وكرۋگتەن 3,5 مىڭنان استام ءوتىنىم قابىلدانىپ قاراستىرىلىپ جاتقانىن ايتتى.
ءباسپاسوز ءماسليحاتى بارىسىندا، الماتى وبلىسىنىڭ اكىمى مارات ەلەۋسىزۇلى اگروونەركاسىپ سالاسىندا قۇس باستارىنىڭ سانى مەن قۇس ەتىن وندىرۋدە ءوڭىردىڭ كوش باستاپ تۇرعانىن العا تارتتى.
جالپى، اگروونەركاسىپ كەشەنىن قولداۋعا اعىمداعى جىلى 34 ملرد. تەڭگەدەن استام قاراجات قاراستىرىلعان، ونىڭ ىشىندە 29 ملرد. تەڭگەسى سۋبسيديا ءۇشىن بولىنگەن.
