الەۋمەتتىك جەلىدە الماتىداعى تۇرعىن ۇيلەردىڭ بىرىندەگى ليفتتە كىشكەنتاي قىزدىڭ مىسىقتى اياۋسىز ۇرىپ-سوعىپ جاتقان ءساتىنىڭ بەينەجازباسى تارالدى، دەپ حابارلايدى «ادىرنا» ءتىلشىسى.
قازنەت قولدانۋشىلارىنىڭ ايتۋىنشا، وقيعا «12 مەسياتسەۆ» تۇرعىن ءۇي كەشەنىنىڭ بىرىندە بولعان.
قالالىق پوليتسيا دەپارتامەنتى بۇل وقيعاعا قاتىستى تۇسىنىكتەمە بەردى.
«اتالعان فاكت المالى اۋدانىنىڭ پوليتسيا باسقارماسىندا تىركەلىپ، تەكسەرۋ جۇرگىزىلدى. قۇقىق بۇزۋشىلىق جاساعان 11 جاسار قىزدىڭ اتا-اناسىمەن بىرگە قاراعاندى قالاسىنان تۋىستارىنا قوناققا كەلگەنى انىقتالدى. قۇقىقتىق باعا بەرىلەتىن بولادى»،—دەدى باسقارما.جەلى قولدانۋشىلار قىزدىڭ ارەكەتىنە ءتۇرلى پىكىر ءبىلدىردى.
«ۇيىندە وسىنداي تاربيە كورگەن عوي»، «ءالى كىشكەنتاي عوي، ءوز ارەكەتىن تۇسىنبەي تۇر»، «شۇعىل تۇردە پسيحولوگقا بارۋ كەرەك»،—دەپ جازدى ولار.
<
ۇقساس جاڭالىقتار
