پاۆلودار قالاسىندا ساتباەۆ كوشەسىندەگى تۇرعىن ءۇيدىڭ كىرەبەرىسىندە زەينەتكەرگە شابۋىل جاسالدى، دەپ حابارلايدى “ادىرنا” ۇلتتىق پورتالى.
زەينەتكەر دۇكەننەن قايتىپ كەلە جاتىپ، ليفت جانىندا بەيتانىس ەر اداممەن كەزدەسكەن. ەكەۋى بىرگە ليفتىگە كىرگەننەن كەيىن، كۇدىكتى بىرنەشە سەكۋند ىشىندە زەينەتكەردىڭ قولىنداعى پاكەتتى تارتىپ الىپ، قاشىپ كەتكەن. پاكەتتە 190 مىڭ تەڭگە كولەمىندە اقشا بولعان. جابىرلەنۋشى دەرەۋ پوليتسياعا حابارلاستى.
جەدەل-ىزدەستىرۋ شارالارى بارىسىندا پوليتسيا قىزمەتكەرلەرى كۇدىكتىنى ۇستادى. ول بۇرىن سوتتالعان قالا تۇرعىنى بولىپ شىقتى. قازىرگى ۋاقىتتا قىلمىستىق ءىس قوزعالىپ، تەرگەۋ امالدارى جۇرگىزىلۋدە. كۇدىكتىگە ەشقايدا كەتپەۋ تۋرالى قولحاتپەن بوساتىلدى.
ۇقساس جاڭالىقتار
