استانادا ەلوردالىق قۇتقارۋشىلار ليفت ىشىندە قامالىپ قالعان ادامدارعا كومەك كورسەتتى، دەپ حابارلايدى "ادىرنا" ۇلتتىق پورتالى.
بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى حابارلادى.
وقيعا تۇنگى ۋاقىتتا سارايشىق اۋدانىنداعى كوپقاباتتى تۇرعىن ۇيلەردىڭ بىرىندە بولعان. ليفت ىشىندە بارلىعى 11 ادام، ونىڭ ىشىندە 5 بالا قالىپ قويعان. الدىن الا مالىمەتكە سايكەس، ليفت ءۇشىنشى قاباتتان تومەن ءتۇسىپ كەلە جاتىپ، ەكىنشى جانە ءبىرىنشى قاباتتاردىڭ اراسىندا توقتاپ قالعان.
وقيعا ورنىنا جەدەل جەتكەن قۇتقارۋشىلار ارنايى قۇرالداردىڭ كومەگىمەن ليفت ەسىگىن اشىپ، ادامداردى سىرتقا شىعاردى. ابىروي بولعاندا، ەشكىم مەديتسينالىق كومەككە مۇقتاج بولماعان.
تجم تۇرعىنداردى ليفت ىشىندە قالىپ قويعان جاعدايدا سابىر ساقتاۋعا جانە قاۋىپسىزدىك ەرەجەلەرىن ۇستانۋعا شاقىرادى. اتاپ ايتقاندا، دۇربەلەڭگە بەرىلمەي، ديسپەتچەرگە حابارلاسۋ، بارلىق تۇيمەنى قاتارىنان باسپاۋ جانە ليفت ەسىگىن ءوز بەتىمەن اشۋعا ارەكەت جاساماۋ قاجەت.
