سوڭعى التى ايدا كورەيادا جەتى قازاقستاندىق ميگرانت قايتىس بولدى. 30-40-جاست ارالىعىنداعىميگرانتتار اۋىر جۇمىسقا شىداماعان.
سىرتقى ىستەر مينيسترلىگىنىڭ رەسمي وكىلى ايبەك سمادياروۆتىڭ ايتۋىنشا، ميگرانتتار شەتەلدە قارا جۇمىس ىستەدى.
«ولار كەشكە ۇيگە كەلەدى، شارشاپ ۇيىقتاعاننان تاڭەرتەڭ ويانبايدى. 30-دان 40 جاسقا دەيىن جاس اعزا ءۇشىن مۇنداي جۇمىس اۋىر سوعادى. سوندىقتان سوڭىندا كوز جۇمادى»، - دەدى مينيسترلىكتە وتكەن بريفينگتە سىرتقى ىستەر مينيسترلىگىنىڭ وكىلى.
ونىڭ ايتۋىنشا، وڭتۇستىك كورەيادان ءبىر ءمايىتتى قازاقستانعا تاسىمالداۋ 6-7 مىڭ دوللار تۇرادى، بارلىق شىعىنداردى تۋىستارى كوتەرەدى.
سونىمەن قاتار، ءبولىمنىڭ وكىلى جىل باسىنان بەرى «جاسىل ءدالىز» جوباسى بويىنشا وڭتۇستىك كورەيادا زاڭسىز جۇمىس ىستەگەن مىڭنان استام قازاقستاندىق ءوز ەركىمەن ۇيىنە قايتىپ ورالعان.
