Zańnama jáne sot-quqyqtyq reforma komıtetiniń otyrysynda «Mass-medıa»týraly Zań jobasy qaraldy. Bul týraly Májilis depýtaty Jarqynbek Amantaıuly aıtty, dep habarlaıdy «Adyrna» tilshisi.
«Áriptester tarapynan birqatar ótkir saýal týyndap, jan-jaqty talqylap baqtyq.
Komıtetten jobaǵa oń qortyndy berilip birqatar depýtatpen birge jumys tobyna kirdim. Ózim de biraz jyl osy jýrnalıstıka salasynda qyzmet atqarǵandyqtan ondaǵy túıtkilder, qordalanǵan máseleler maǵan etene tanys. Aldaǵy ýaqytta osy Zań jobasy aıasynda aýqymdy jumys kútip turǵany anyq. Tas jaryp, taý qoparmasaq ta, hal-qadirimizshe qyzmet etetin bolamyz»,—dedi ol.
Depýtat otyrysta press-kartanyń qoldanylý merzimi, jýrnalıster kýáliginiń kóptigi syndy birneshe máseleni kóterdi.
Aıta keteıik, 21 sáýir kúni «Ashyq NQA» portalynda «Mass-medıa týraly» zań jobasy jarııalanǵan edi. Zań mass-medıa salasyndaǵy qoǵamdyq qatynastardy retteıdi, teleradıo habarlaryn taratý sýbektileriniń quqyqtary men mindetterin jáne QR Konstıtýııasyna sáıkes buqaralyq aqparat quraldarynyń bostandyǵyna memlekettik kepildikterdi belgileıdi.
