استاناداعى "جاڭا ادامدار" جاستار قوزعالىسى ەلورداداعى جاياۋ جۇرگىنشىلەر جولىنىڭ "سۇمدىق" كۇيىن كورسەتتى، دەپ حابارلايدى "ادىرنا". ۆيدەو الەۋمەتتىك جەلىدە جاريالاندى.
ۆيدەو اۆتورلارىنىڭ ايتۋىنشا استانا كوشەلەرىندەگى جاياۋ جۇرگىنشىلەر جولىنىڭ وپىرىلىپ جاتقانىنا ءبىراز بولعان. بۇل ماسەلەنى شەشۋدىڭ جالعىز جولى كوشەلەرگە رەۆيزيا جۇرگىزۋ دەيدى بەلسەندىلەر.
ايتماتوۆ كوشەسىندەگى شۇڭقىرلارعا مىسقىلداپ ۆيدەو ءتۇسىرىپ، اكىمدىكتىڭ نازار سالۋىن سۇراۋدا.
"جاڭا ماسەلەلەردى ىزدەۋ جانە ەسكىلەردىڭ قانشالىقتى شەشىلىپ جاتقانىن تەكسەرۋ - قالانى كوركەيتۋ فورمۋلامىز. ءبىز بىرلەسىپ، بارلىق قاجەتتىلىكتەر مەن مۇمكىندىكتەردى ەسكەرىپ، بارلىعىنا قاۋىپسىز جانە جايلى قالالىق ورتانى قۇرا الامىز. ءبىزدىڭ «قالا» ازاماتتىق ناۋقانىمىزعا قوسىلىڭىز، پروفيل تاقىرىبىنداعى سىلتەمەگە قالالىق ينفراقۇرىلىمنىڭ جەتىلمەگەندىكتەرىن جىبەرىڭىز. مىندەتتى تۇردە تەكسەرىپ، ولاردى قالا اكىمشىلىگىنە جىبەرىپ، جوندەۋ جۇمىستارىن باقىلايمىز" دەپ جازدى ولار.
ۇقساس جاڭالىقتار
