Astanadaǵy "Jańa adamdar" jastar qozǵalysy elordadaǵy jaıaý júrginshiler jolynyń "sumdyq" kúıin kórsetti, dep habarlaıdy "Adyrna". Vıdeo áleýmettik jelide jarııalandy.
Vıdeo avtorlarynyń aıtýynsha Astana kóshelerindegi jaıaý júrginshiler jolynyń opyrylyp jatqanyna biraz bolǵan. Bul máseleni sheshýdiń jalǵyz joly kóshelerge revızııa júrgizý deıdi belsendiler.
Aıtmatov kóshesindegi shuńqyrlarǵa mysqyldap vıdeo túsirip, ákimdiktiń nazar salýyn suraýda.
"Jańa máselelerdi izdeý jáne eskilerdiń qanshalyqty sheshilip jatqanyn tekserý - qalany kórkeıtý formýlamyz. Biz birlesip, barlyq qajettilikter men múmkindikterdi eskerip, barlyǵyna qaýipsiz jáne jaıly qalalyq ortany qura alamyz. Bizdiń «Qala» azamattyq naýqanymyzǵa qosylyńyz, Profıl taqyrybyndaǵy siltemege qalalyq ınfraqurylymnyń jetilmegendikterin jiberińiz. Mindetti túrde tekserip, olardy qala ákimshiligine jiberip, jóndeý jumystaryn baqylaımyz" dep jazdy olar.
