Semeılik aqyn Mereı Qart Abaı óńirindegi órti óshirý barysynda erlikpen qaza tapqan baýyry, kúlli qazaqtyń er perzenti jaıly jazba jarııalap, eli úshin otqa túsken azamatty joqtady, dep habarlaıdy "Adyrna" ulttyq portaly.
Abaı óńirindegi qylqan japyraqty ormandy sharpyǵan órt saldarynan jas ınjener, tutas eliniń perzenti Toqtasynov Serikjan Baqytbekuly qapııada qaza tapty. Orty tolmas qaza haqynda aqyn Mereı Qart jazdy:
- Baqul bol, batyr baýyrym!Semeı orman sharýashlyǵynyń ınjeneri Toqtasynov Serikjan Baqytbekuly (1996-2023) —Semeı ormany órtin óshirý barysynda dúnıeden ótti.Uly naǵashymyz Baqytbek aǵanyń jalǵyz uly edi! Janyń peıishtiń nurynda shalqysyn! Elgezek ediń, El úshin otqa tústiń, esimiń men erligiń máńgi esimizde qalady! - dep jazdy qalamger.
Qyrshyn ketken azamattyń qapııadaǵy qazasy qalyń eldiń qabyrǵasyn qaıystyrdy. Ebil-debil kózine jas alyp, kóńil bosatyp jatqan jurtta esep joq.
Sizderge "Otany úshin otqa túsken" azamat-erdiń jeke muraǵatynan foto-vıdeolar usynamyz.
Eske sala keteıik, Tótenshe jaǵdaılar mınıstrligi órtke qarsy qyzmet komıtetiniń tóraǵasy Nurbolat Derbisov Jibek Joly telearnasyna bergen suhbatynda Semeıdegi orman órtin sóndirip júrip mert bolǵandardyń kim ekeni áli anyqtalmaǵanyn aıtty. Alapat alaýǵa aýyzdyq salý jumystary jalǵasyp jatyr.
"Adyrna" ulttyq portaly
