ءوز باسىم ەلباسى كەلەسى پرەزيدەنتتىككە داريعانى ۇسىنادى دەگەنگە سەنبەيمىن. سوڭعى جىلدارى xالىقتىڭ 30 جىلدىق جۇيەدەن شارشاپ، ەلباسىنىڭ سوزىنە قارسى شىعا باستاعانى سەزىلىپ-اق تۇردى. تاجىريبەلى ساياساتكەر رەتىندە ەلباسى مۇنى سەزدى. ءبىلدى! سايلاۋعا تۇسپەي كەتتى!
ەلباسى "مەنى تىڭداماي جاتقان xالقىم قىزىمدى تىڭدايدى" دەگەنگە سەنەتىندەي اڭعال ساياساتكەر ەمەس. زاماننىڭ وزگەرگەنىن، اتادان بالاعا بيلىكتى تاستاپ كەتەتىن داۋرەننىڭ وتكەنىن بىلمەيدى دەۋگە كەلمەيدى. قازاقتىڭ مەنتاليتەتى بەلگىلءى. مىسى مەن بەدەلى، xاريزماسى باسىم اكەسىنىڭ ءسوزىن تىڭداماۋعا كوشكەن ەل ايەل بالاسى قىزىنا قالاي باعىنسىن؟..
ساياساتكەر رەتىندە بيلىك ءترانزيتىن داريعا ءۇشىن جاساپ، بۇكىل ءومىر بويى قاسىقتاپ جيناعان ابىرويىن شەلەكتەپ توگەتىندەي قادامعا بارمايتىن شىعار. ەلباسىنىڭ پسيxولوگيالىق پورترەتى مىقتى ساياساتكەر رەتىندە تاريxتا قالۋدى قالايتىن تۇلعا ەكەنى بەلگىلى. ءدال وسىنداي تۇلعانىڭ وزىنە باعىنباي باستاعان xالىققا قىزىنىڭ ءسوزى وتەدى دەگەنگە سەنىپ، ساياسي كارەراسىنىڭ سوڭىندا ابىرويىن تۇسىرەتىن قادامعا بارۋى مۇمكىن ەمەس. داريعانى ۇسىنعانشا لۋچشە سايلاۋعا ءوزى تۇسە سالسا تاعى دا 5 جىل بيلىكتە وتىراتىن مۇمكىندىگى بار ەدى. وسى مۇمكىندىكتى ساياسي ريسكى كوپ داريعا جوباسىنا ايىرباستايتىنداي ساياساتقا جاڭا كەلگەن، تاجىريبەسىز تۇلعا ەمەس. لوگيكاعا سالىپ قاراساڭ ءوزى "قاۋىپسىزدىك كەڭەسىن", "نۇر وتاندى" باسقارىپ ەششە جىعىلعانعا جۇدىرىق دەگەندەي داريعا پرەزيدەنت بولسا اكەسى مەن قىزى ءبىر ەلدى قاتار بيلەگەن جۇيەگە قازاق كونە مە؟ بۇلاي جاساعانشا اكەسى ءوزى-اق تىپ-تىنىش تاعى 5 جىلعا سايلانا سالمايدى ما؟.. بۇل ونسىز دا ءار جەردەن ءبىر بۇرق ەتىپ، جىلدان جىلعا داۋسى قاتتى شىعا باستاعان، 30 جىلدان بەرى شىداپ وتىرعان xالىقتىڭ جۇيكەسىمەن وينايتىن، وتقا ماي قۇياتىن قادام عوي. ەلباسى مۇنى بولجاي المايتىن ساياساتكەرلەردىڭ قاتارىنان ەمەس.
مەنىڭ ويىمشا سايلاۋعا "بولاشاق" تۇلەكتەرىنىڭ ءبىرى تۇسەدى. بيلىكتى ءوزى اشقان باعدارلامامەن وقىعان، وتباسىنا تۋىسقاندىق قاتىناسى جوق ازاماتقا تاپسىرىپ، 30 جىلدىق ەڭبەگىنىڭ لوگيكالىق ءتۇيىنىن ادەمى جاساپ كەتسە بەدەلى ارتا تۇسەدى. ەڭ بولماعاندا ەكىنشى ۆاريانت توقاەۆتىڭ ءوزى تۇسەر. بىراق، ەلباسى بيلىك مۇراگەرى رەتىندە داريعانى تاڭدايدى دەگەنگە سەنبەيمىن! تىم ساياسي ريسكى كوپ قادام. تاجىريبەلى ساياساتكەر رەتىندە ەلباسى ءوز بەدەلى مەن ابىرويىن جوعالتىپ، بيلىكتە ۇزاق وتىرعان پرەزيدەنتتەرگە قارسى الەمنىڭ ءار تۇكپىرىندە كوتەرىلىس پەن قاقتىعىس بولىپ جاتقاندا مۇنداي ريسككە بارادى دەگەنگە سەنگىم دە كەلمەيدى. ولاي جاسايتىن بولسا لۋچشە سايلاۋعا ءوزى تۇسە سالعانى جاقسى ەدى. ۋاقىت تورەشى. كۇتەيىك!
باۋىرجان سەرىكباەۆ
