اقىن، قازاقستاننىڭ ەڭبەك سىڭىرگەن قايراتكەرى قويشىعۇل جىلقىشيەۆ ومىردەن وزدى. قارالى حاباردى اقىن ءاليا داۋلەتباەۆا جەتكىزدى، دەپ حابارلايدى «ادىرنا» ءتىلشىسى.
«اتىراۋ مادەنيەتىنىڭ اقتاڭگەرى قويشىعۇل اعا جالعاننان ءوتتى. بەتىمىزدەن قاقپادىڭىز، ەركەلىگىمىزدى كوتەردىڭىز، قامقور بولدىڭىز. دۇنيە شىن جالعان ەكەن عوي… اللا الدىڭىزدان جارىلقاسىن، اعا!» – دەپ جازدى ول.قويشىعۇل جىلقىشيەۆ 1948 جىلى 24 قازاندا اتىراۋ وبلىسىنىڭ يندەر اۋدانىنداعى جارسۋات اۋىلدىق كەڭەسىنە قاراستى جامانقۇدىق جايلاۋىندا دۇنيەگە كەلگەن. ول — «تۇڭعىش»، «مۇڭكىتاپ»، «اساۋكەر» جىر كىتاپتارىنىڭ اۆتورى. م.وتەمىسۇلى تۋرالى پۋبليتسيستيكالىق ماقالارى ءۇشىن قازاقستان جۋرناليستەر وداعىنىڭ ا.بايتۇرسىنوۆ اتىنداعى سىيلىعىن العان. «تاماشا» ويىنساۋىق وتاۋىن اشقانى ءۇشىن (ل.ەسەنوۆپەن بىرگە) اۆتورلىق كۋالىك بەرىلگەن. ماحامبەت اتىنداعى سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى.
ۇقساس جاڭالىقتار
