Aqyn, Qazaqstannyń eńbek sińirgen qaıratkeri Qoıshyǵul Jylqyshıev ómirden ozdy. Qaraly habardy aqyn Álııa Daýletbaeva jetkizdi, dep habarlaıdy «Adyrna» tilshisi.
«Atyraý mádenıetiniń aqtańgeri Qoıshyǵul aǵa jalǵannan ótti. Betimizden qaqpadyńyz, erkeligimizdi kóterdińiz, qamqor boldyńyz. Dúnıe shyn jalǵan eken ǵoı… Alla aldyńyzdan jarylqasyn, aǵa!» – dep jazdy ol.
Qoıshyǵul Jylqyshıev 1948 jyly 24 qazanda Atyraý oblysynyń Inder aýdanyndaǵy Jarsýat aýyldyq keńesine qarasty Jamanqudyq jaılaýynda dúnıege kelgen. Ol — «Tuńǵysh», «Muńkitap», «Asaýker» jyr kitaptarynyń avtory.
M.Ótemisuly týraly pýblııstıkalyq maqalary úshin Qazaqstan Jýrnalıster odaǵynyń A.Baıtursynov atyndaǵy syılyǵyn alǵan.
«Tamasha» oıynsaýyq otaýyn ashqany úshin (L.Esenovpen birge) avtorlyq kýálik berilgen. Mahambet atyndaǵy syılyqtyń laýreaty, Qazaqstannyń eńbek sińirgen qaıratkeri.
