Oqý-aǵartý mınıstri Ǵanı Beısembaev Úkimet kýlýarynda 15 mln teńgege satylyp ketken mektepke qatysty pikir bildirdi, dep habarlaıdy «Adyrna» tilshisi.
Aıtýynsha, qazir bul másele baqylaýda.
«Máseleni qadaǵalaýda ustap otyrmyz. Endi anyqtaımyz. Buǵan deıin satylyp ketken dúnıeler ǵoı. Onyń sebepterin anyqtaıtyn bolamyz. Qazirgi tańda bizde tirkeýde turǵan mektepterdiń barlyǵy tekserilip jatyr. Men ol týraly naqty aqparat aıta almaımyn. Bul jaǵdaıǵa baılanysty biz respýblıkadaǵy barlyq mektepti tekserip, revızııa jumystaryn júrgizetin bolamyz»,—dedi basqarma basshysy.
Aıta keteıik, buǵan deıin Májilis depýtaty Maqsat Tolyqbaı Almaty oblysy Qarasaı aýdany Shalqar aýylynda 250 balaǵa arnalǵan Lomonosov atyndaǵy orta mekteptiń 15 mln teńgege satylyp ketkenin málimdegen bolatyn.
