ورالدىقتار پرەزيدەنت جولداۋىن تۇشىنا تىڭدادى. ماسەلەنىڭ ۇلكەن-كىشىسى بولمايدى. ورالدىقتار پرەزيدەنتتىڭ جولداۋىندا كەلتىرىلگەن دەرەكتەر مەن ايتىلعان جايتتەردىڭ وزەكتى ەكەنىن جەتكىزدى. ياعني، الەمدەگى گەوساياسي احۋالدان باستاپ، ەسىك الدىنداعى تازالىققا دەيىن وتە ماڭىزدى.
باۋىرجان اتاۋوۆ، باتىس قازاقستان وبلىستىق قوعامدىق كەڭەسىنىڭ توراعاسى:
– بۇگىنگى الماعايىپ زاماندا ەرتەڭگى كۇنگە الاڭدامايتىن جان كەمدە-كەم. ۋاقىت زىمىراپ، جىلدار جاڭارعان سايىن مىزعىماستاي كورىنگەن قۇندىلىقتاردىڭ ءوزى وزگەرىپ جاتىر.
مەملەكەت باسشىسى بۇگىنگى جولداۋىندا ەڭ الدىمەن الەمدەگى قالىپتاسقان كۇردەلى احۋالعا توقتالدى. ىرگەلەس الپاۋىت ەلدەرمەن دوستىق قارىم-قاتىناستى ساقتاي وتىرىپ، تاۋەلسىزدىگىمىزدى نىعايتۋ مەن ۇلتتىق ەكونوميكانى دامىتۋ جولدارىن ناقتىلاپ بەردى.
پرەزيدەنت ەلىمىزگە ينۆەستيتسيا تارتۋ، ءوندىرىس سالاسىن وركەندەتۋ، اسىرەسە اۋىل شارۋاشىلىعىن جاڭا دەڭگەيگە كوتەرۋ ماسەلەسىنە ەرەكشە ءمان بەردى. سونىمەن قاتار، الەمدىك دامۋدان قالىس قالماۋ ءۇشىن جاساندى ينتەللەكت پەن تسيفرلىق تەحنولوگيالاردى دامىتۋ – باستى باعىتتاردىڭ ءبىرى ەكەنىن اتاپ ءوتتى. بۇل سالالار ۇكىمەتتىڭ كۇن تارتىبىنەن تۇسپەۋى ءتيىس دەگەن ناقتى تاپسىرما بەرىلدى.
جولداۋدا جاساندى ينتەللەكتتى قولدانۋ، شەتەلدىك ينۆەستيتسيالاردى تارتۋ، اتوم ەلەكتر ستانتسياسىن سالۋ، سونداي-اق ءبىر پالاتالى پارلامەنت قۇرۋ جونىندەگى ساياسي رەفورمالار سەكىلدى ماڭىزدى باستامالار دا كوتەرىلدى.
الايدا مەملەكەت باسشىسى ەرەكشە توقتالعان ەڭ ماڭىزدى ماسەلەنىڭ ءبىرى – ەلدىڭ ازىق-تۇلىك قاۋىپسىزدىگىن قامتاماسىز ەتۋ بولدى. ەندىگى كەزەكتە، تۇتىناتىن نەگىزگى ونىمدەردى وزىمىزدە ءوندىرۋ – باستى مىندەت. وتاندىق تاۋار وندىرۋشىلەرگە جان-جاقتى قولداۋ كورسەتىلۋى كەرەك.
سونىمەن قاتار، پرەزيدەنت تۇرعىن ءۇي-كوممۋنالدىق شارۋاشىلىقتى ءتيىمدى جاڭعىرتۋ ماسەلەسىنىڭ ماڭىزدىلىعىنا دا توقتالدى. بۇل – حالىقتىڭ كۇندەلىكتى ومىرىنە تىكەلەي اسەر ەتەتىن ماڭىزدى سالا.
ياعني، حالىقتى تولعاندىراتىن باستى ماسەلەلەردى ۇكىمەت ءبىرىنشى كەزەكتە شەشۋى ءتيىس. قولعا الىنعان رەفورمالار ءوز جەمىسىن بەرىپ، حالقىمىزدىڭ ءال-اۋقاتى ارتا بەرسىن، ەلىمىز ءوسىپ-وركەندەي بەرسىن دەگەن تىلەگىم بار.
ء اليا ساليەۆا، «ادىلدىك جانە وركەندەۋ» رەسپۋبليكالىق قوعامدىق قورىنىڭ باتىس قازاقستان وبلىسى بويىنشا جەتەكشىسى جانە «كومەكتەسۋ – سودەيستۆيە» قوعامدىق قورىنىڭ اتقارۋشى ديرەكتورى:
– 2025 جىلعى 8 قىركۇيەكتەگى قازاقستان رەسپۋبليكاسى پرەزيدەنتىنىڭ جولداۋى
ەل دامۋىنىڭ نەگىزگى باعىتتارىنا ارنالدى.
جولداۋدا جاساندى ينتەللەكتتى دامىتۋ، شەتەلدىك ينۆەستيتسيالاردى تارتۋ، اتوم ەلەكتر ستانتسياسىن سالۋ، سونداي-اق ءبىر پالاتالى پارلامەنت قۇرۋعا قاتىستى ساياسي رەفورمالار سىندى بىرقاتار ماڭىزدى باستامالار كوتەرىلدى.الايدا مەملەكەت باسشىسى ەرەكشە توقتالعان ەڭ وزەكتى ماسەلەنىڭ ءبىرى – ەلدىڭ ازىق-تۇلىك قاۋىپسىزدىگىن قامتاماسىز ەتۋ بولدى.پرەزيدەنتتىڭ ايتۋىنشا، قازىر ەلىمىزگە ازىق-تۇلىك ونىمدەرىن سىرتتان تاسىمالداماي، ءوزىمىز وندىرەتىن كەزەڭ كەلدى. ول ءۇشىن حالىق تۇتىناتىن نەگىزگى تاۋارلاردى شىعاراتىن وتاندىق وندىرۋشىلەردى قولداۋ – باستى مىندەت.سونىمەن قاتار، تۇرعىن ءۇي-كوممۋنالدىق شارۋاشىلىقتى ءتيىمدى جاڭعىرتۋ ماسەلەسى دە ماڭىزدى باعىت رەتىندە اتالدى. بۇل – تۇرعىنداردىڭ كۇندەلىكتى ءومىر ساپاسىنا تىكەلەي اسەر ەتەتىن سالا.جولداۋدا ەرەكشە نازار اۋدارىلعان تاعى ءبىر ماڭىزدى باعىت – ەكولوگيالىق مادەنيەتتى قالىپتاستىرۋ جانە ەكولوگيالىق ءبىلىمدى جاڭعىرتۋ.
قازاقستان – سۋ رەسۋرستارى شەكتەۋلى، ەكولوگيالىق احۋالى كۇردەلى ايماقتاردىڭ ءبىرى. سوندىقتان ارالدى ساقتاۋ، كىشى وزەندەردى قورعاۋ – الداعى جىلدارداعى باستى ەكولوگيالىق مىندەتتەردىڭ ءبىرى بولماق.وسى ورايدا، ەكولوگيالىق ءبىلىم مەن مادەنيەتتى دامىتۋ – كەزەك كۇتتىرمەيتىن وزەكتى ماسەلە. بۇل سالادا بىلىكتى ماماندارعا، جاڭا كوزقاراسقا يە كادرلارعا اسا ۇلكەن سۇرانىس بار.پرەزيدەنت باستاماسىمەن قولعا الىنعان «تازا قازاقستان» جوباسى – وسى باعىتتاعى ماڭىزدى قادام. قوعام بۇل جوباعا بەلسەندى ارالاسۋدا. اۋىل-اۋدانداردا جاستار باستاما كوتەرىپ، اۋلالاردى تازالاپ جاتقاندا، سول ماڭايداعى اقساقالداردىڭ، بالالاردىڭ جانە تۇرعىنداردىڭ دا اتسالىسۋى – بۇل باستامانىڭ ەل ىشىندە كەڭ قولداۋ تاپقانىن كورسەتەدى.مۇنىڭ بارلىعى تازالىق پەن ۇقىپتىلىقتى باعالايتىن جالپىۇلتتىق ەكولوگيالىق مادەنيەتتىڭ قالىپتاسىپ كەلە جاتقانىن ايعاقتايدى.ياعني، حالىقتىڭ تۇرمىس ساپاسىنا تىكەلەي اسەر ەتەتىن بارلىق باستى ماسەلەلەردى قازاقستان رەسپۋبليكاسىنىڭ ۇكىمەتى ءبىرىنشى كەزەكتە شەشۋگە ءتيىس.
