ماڭعىستاۋ وبلىسى ەكونوميكالىق تەرگەپ-تەكسەرۋ دەپارتامەنتى "وزەنمۇنايگاز" اق باس ديرەكتورىنىڭ ورىنباسارى باۋىرجان مامبەتساپاەۆتى لاۋازىمدى وكiلەتتiكتەرىن تەرىس پايدالاندى دەگەن كۇدىكپەن ۇستادى، - دەپ حابارلايدى "ادىرنا" ماڭعىستاۋ وبلىسى ەكونوميكالىق تەرگەپ-تەكسەرۋ دەپارتامەنتىنىڭ ءباسپاسوز قىزمەتىنە سىلتەمە جاساپ.
ۆەدومستۆو مالىمەتىنشە، باۋىرجان مامبەتساپاەۆ لاۋازىمدى مارتەبەسىن پايدالانىپ، جۇمىسقا قابىلداۋ تۋرالى بەكىتىلگەن قاعيدالاردى ورەسكەل بۇزىپ، ءوزىنىڭ بىرقاتار تانىسىن "وزەن مۇناي گاز" اق-نا زاڭسىز كىرگىزگەن. دەگەنمەن كومپانياعا جۇمىسقا كىرۋ ءۇشىن جاڭاوزەن قالاسىنىڭ 9 مىڭنان اسا تۇرعىنى كەزەككە تىركەلگەن.
"تانىستارىنىڭ جۇمىسسىزدار قاتارىندا بولماعاندارىن، ءتيىستى ماماندىققا بىلىكتىلىكتەرى سايكەس كەلمەيتىنىن جانە جۇمىسقا مۇلدەم كەلمەگەندەرىن باۋىرجان مامبەتساپاەۆتىڭ انىق بىلگەنى تەرگەۋدە انىقتالدى. باۋىرجان مامبەتساپاەۆتىڭ زاڭسىز ءىس-ارەكەتتەرى سالدارىنان مەملەكەتكە 46 ميلليون تەڭگەدەن اسا زالال كەلتىرىلىپ، جاڭاوزەن قالاسى تۇرعىندارىنىڭ كومپانياعا ورنالاسۋداعى قۇقىقتارى ورەسكەل بۇزىلۋىنا اكەپ سوققان", - دەلىنگەن حابارلامادا.تەرگەۋدە باۋىرجان مامبەتساپاەۆتىڭ باسقا دا زاڭسىز ارەكەتتەرى، كومپانيانىڭ، لاۋازىمدى تۇلعالاردىڭ جانە مەردىگەر مەكەمەلەردىڭ بيۋدجەت قاراجاتتارىن جىمقىرۋ دەرەكتەرى تەكسەرىلىپ جاتىر. تەرگەۋ جالعاسىپ جاتىر. قىلمىستىق پروتسەستىك كودەكستىڭ 201-بابىنا سايكەس وزگە دە مالىمەتتەر تەرگەۋ مۇددەسىنە ساي جاريالانبايتىنى حابارلاندى.
ۇقساس جاڭالىقتار
