ىشكى ىستەر ءمينيسترى ەرجان سادەنوۆ الماتىدا ءجاسوسپىرىمدى زورلادى دەگەن كۇدىكپەن ۇستالعان بۇرىنعى پوليتسەيلەرگە قاتىستى تۇسىنىك بەردى، دەپ حابارلايدى “ادىرنا” ۇلتتىق پورتالى قازاقپاراتقا سىلتەمە جاساپ.
بۇگىن ماجىلىستە وتكەن ۇكىمەت ساعاتىنان كەيىن تىلشىلەر مينيستردەن الماتىدا ەكى پوليتسەيدىڭ 14 جاستاعى ءجاسوسپىرىمدى زورلاۋ دەرەگى تۋرالى سۇرادى. «كۇدىكتىلەر ۇستالدى ما؟»، - دەپ سۇرادى جۋرناليستەر.
ءوز كەزەگىندە ە. سادەنوۆ مۇنداي فاكتى شىنىمەن دە بولعانىن راستادى. بۇل وقيعاعا قاتىستى شۇعىل تۇردە قىزمەتتىك تەكسەرىس جاسالىپ، تارتىپتىك كوميسسيانىڭ وتىرىسى وتكەن.
وسى رەتتە مينيستر اتالعان قىزمەتكەرلەر ىشكى ىستەر ورگاندارىنان شىعارىلعانىن ناقتىلادى.
«قىلمىستىق ءىس بويىنشا ولار قاماۋعا الىندى. قازىر تەرگەۋ امالدارى جالعاسىپ جاتىر»، - دەدى مينيستر.
