پوليتسيا الماتى جانە شىمكەنت قالالارىنىڭ اۋماعىندا قاڭتار وقيعاسىنا قاتىسۋشىلاردى ۇستادى، دەپ حابارلايدى “ادىرنا” ۇلتتىق پورتالى Polisia.kz سايتىنا سىلتەپ.
"7 اقپاندا الماتى جانە شىمكەنت قالالارىنىڭ اۋماعىندا ءىىم ۇيىمداسقان قىلمىسقا قارسى كۇرەس بولىنىستەرىنىڭ قىزمەتكەرلەرى ۇزاق ۋاقىت بويى قىلمىستىق قۋدالاۋ ورگاندارىنان جاسىرىنىپ جۇرگەن قاڭتار وقيعاسىنىڭ ەكى قاتىسۋشىسىن ۇستادى", - دەپ جازىلعان حابارلامادا.
مالىمەتكە سايكەس، ولار "ديكي ارمان" لاقاپ اتىمەن تانىمال ارمان جۇماگەلديەۆ ۇيىمداسقان قىلمىستىق توبىنىڭ مۇشەسى بولعان.
"ۇستالعانداردىڭ ءبىرى سامات امىرباەۆ 2022 جىلى شىمكەنتتە كىسى ولتىرۋگە جانە سول قالانىڭ باسقا تۇرعىنىنا قاتىستى وزىنشە بيلىك ەتۋگە قاتىسى بار دەگەن كۇدىككە ىلىنگەن. ول تۇركىستان وبلىسىنىڭ اۋماعىندا ۇستالدى. ونىڭ كىسى ءولتىرۋ فاكتىسى بويىنشا سىبايلاستارىنىڭ ءبىرى 16 جىلعا سوتتالىپ، قازىرگى ۋاقىتتا باس بوستاندىعىنان ايىرۋ ورنىندا جازاسىن وتەپ جاتىر", - دەيدى قر ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.
سونداي-اق، ۇيىمداسقان قىلمىستىق توپتىڭ ەكىنشى مۇشەسى الماتى اۋەجايىندا شەكارالاس ەلدىڭ اۋماعىنان كەلگەننەن كەيىن ۇستالعان. وندا ول قازاقستاننىڭ قۇقىق قورعاۋ ورگاندارىنان جاسىرىنعان.
ۇستالعان ادامدار ۋاقىتشا ۇستاۋ يزولياتورىنا قامالدى.
