Jyl basynan beri elimizde órt pen ıis tıip ýlanýdan 14 bala kóz jumdy, al 3 bala sýǵa ketti. Oqys oqıǵa saldarynan qapııada qaza tapqandardyń deni - balalar. Tilsiz jaýdyń qateri jaıly Tótenshe jaǵdaılar mınıstrligi Órtke qarsy qyzmet komıtetiniń tóraǵasy Nurbolat Derbisov habarlady, dep jazdy "Adyrna" ulttyq portaly.
Tótenshe jaǵdaılar mınıstrligi Órtke qarsy qyzmet komıtetiniń tóraǵasy Nurbolat Derbisov keıingi bes jylda "tilsiz tajaldan" qaza tapqandardyń kórsetkishine toqtaldy.
«Keıingi bes jylda el aýmaǵynda órt, ıis tıip ýlanýdan jáne sýǵa ketý saldarynan 776 bala qaıtys boldy. Tek 2022 jyly órtten ári ıis tııýden 38 bala kóz jumyp, 77 bala sýǵa batyp ketti», - dedi N. Derbisov Májiliste mektepke deıingi jáne orta bilim berý uıymdaryndaǵy qaýipsizdik júıeleri taqyrybyna arnalǵan dóńgelek ústel otyrysynda.
Onyń aıtýynsha, bıyl órt pen ıis tıip ýlanýdan 14 bala kóz jumdy, al 3 bala sýǵa ketti.
«Kóp jaǵdaıda mektepke deıingi jáne bastaýysh synyptarda oqıtyn balalar órttiń qaýipti faktorlarynan mert bolyp jatyr», - dedi komıtet basshysy.
Budan buryn habarlanǵandaı, jyl basynan beri órt qaýipsizdigine qatysty 5 myńnan astam bilim berý nysany tekserildi.
"Adyrna" ulttyq portaly
